ກົມການສຶກສາກ່ອນໄວຮຽນ (ກວຮ) ກະຊວງສຶກສາທິການ ແລະ ກິລາ ໄດ້ຈັດກອງປະຊຸມຖອດຖອນບົດຮຽນ ການຈັດຕັ້ງປະຕິບັດວຽກງານກຸ່ມພັດທະນາເດັກໃນຊຸມຊົນ (CCDG)

 

ໃນວັນທີ 1 ຕຸລາ 2026 ນີ້, ກົມການສຶກສາກ່ອນໄວຮຽນ (ກວຮ) ກະຊວງສຶກສາທິການ ແລະ ກິລາ ໄດ້ຈັດກອງປະຊຸມຖອດຖອນບົດຮຽນ ການຈັດຕັ້ງປະຕິບັດວຽກງານກຸ່ມພັດທະນາເດັກໃນຊຸມຊົນ (CCDG) 7 ແຂວງພາກໃຕ້ ປະຈຳປີ 2026 ແລະ ວາງແຜນຈັດຕັ້ງປະຕິບັດ ປະຈຳປີ 2027 ຂຶ້ນຢ່າງເປັນທາງການ ທີ່ແຂວງສະຫວັນນະເຂດ ໂດຍການໃຫ້ກຽດເຂົ້າຮ່ວມ ແລະ ເປັນປະທານຂອງທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ມີທ່ານ ນາງ ຈອມແພງ ວົງສາ ຫົວໜ້າກົມການສຶກສາກ່ອນໄວຮຽນ ພ້ອມດ້ວຍບັນດາການນຳຂັ້ນກົມ, ພະແນກສຶກສາທິການ ແລະ ກິລາ ຈາກ 7 ແຂວງພາກໃຕ້ ແລະ ບັນດາເມືອງເປົ້າໝາຍ ເຂົ້າຮ່ວມຢ່າງພ້ອມພຽງ.

ກອງປະຊຸມຄັ້ງນີ້ ຈັດຂຶ້ນພາຍໃຕ້ການສະໜັບສະໜູນຈາກກອງທຶນຮ່ວມມືສາກົນເພື່ອການສຶກສາ ພາຍໃຕ້ໂຄງການການຮຽນຮູ້ ແລະ ເທົ່າທຽມ (GPE III:LEAP) ໂດຍມີຈຸດປະສົງຫຼັກເພື່ອຮັບຟັງການລາຍງານຜົນການຈັດຕັ້ງປະຕິບັດການຮຽນການສອນ, ການນຳໃຊ້ງົບປະມານ, ບັນຫາສິ່ງທ້າທາຍ, ວິທີແກ້ໄຂ ແລະ ຂໍ້ສະເໜີຕ່າງໆ ຂອງວຽກງານກຸ່ມພັດທະນາເດັກໃນຊຸມຊົນ ໃນໄລຍະຜ່ານມາ ຢູ່ 7 ແຂວງພາກໃຕ້, ພ້ອມທັງຮ່ວມກັນປຶກສາຫາລື ແລະ ວາງແຜນການຈັດຕັ້ງປະຕິບັດວຽກງານດັ່ງກ່າວ ສໍາລັບປີ 2027 ໃຫ້ມີປະສິດທິພາບ ແລະ ປະສິດທິຜົນສູງສຸດ.

ໃນພິທີເປີດ, ທ່ານ ປອ ນາງ ດາລາວອນ ກິດຕິພັນ ຮອງລັດຖະມົນຕີກະຊວງສຶກສາທິການ ແລະ ກິລາ ໄດ້ໃຫ້ກຽດມີຄຳເຫັນໂອ້ລົມ ແລະ ຊີ້ນຳຕໍ່ກອງປະຊຸມ ເຊິ່ງເນັ້ນໜັກໃຫ້ຜູ້ເຂົ້າຮ່ວມສຸມໃສ່ການຖອດຖອນບົດຮຽນຢ່າງເລິກເຊິ່ງ ເພື່ອເປັນບ່ອນອີງອັນສຳຄັນ ໃນການຍົກລະດັບ ແລະ ພັດທະນາວຽກງານການສຶກສາກ່ອນໄວຮຽນ ໃຫ້ກ້າວໜ້າຢ່າງຕໍ່ເນື່ອງ.

ກອງປະຊຸມດັ່ງກ່າວ ຈະໄດ້ດຳເນີນໄປເປັນເວລາ 3 ວັນ ເລີ່ມແຕ່ວັນທີ 1 ເຖິງ ວັນທີ 3 ຕຸລາ 2026.

ພາບ-ຂ່າວ: ກົມການສຶກສາກ່ອນໄວ

829528758_1441439541257195_2487968637329827310_n.jpg

ຍຸດທະສາດ ດິຈິຕອນສໍາລັບການສຶກສາ2025-2035
ພາສາລາວ
Digital Strategy for Education Lao PDR
ພາສາອັງກິດ
ຍຸດທະສາດ ແລະ ແຜນພັດທະນາ ວິທະຍາສາດ
ເຕັກໂນໂລຊີນະວັດຕະກຳແຫ່ງຊາດ 2026-2040

♦ ກະຊວງສຶກສາທິການ ແລະ ກິລາ ມີຄວາມຕ້ອງການຮັບສະໝັກປະກາດຮັບສະໝັກຕຳແໜ່ງງານພະນັກງານບັນຊີໂຄງການ " National Consultant for Position of Accountant TA" ເອກະສານຄັດຕິດ




♦  ປະກາດເຊີນສະໜອງລົດກະບະ ຈຳນວນ 2 ຄັນ ແລະ ລົດ SUV ຈໍານວນ 1 ຄັນ ໃຫ້ຫ້ອງການປະສານງານສາກົນເພື່ອການສຶກສາ, ກົມແຜນການ ແລະ ການເງິນ ພາຍໃຕ້ໂຄງການກອງທຶນຮ່ວມມືສາກົນ ເພື່ອການສຶກສາໄລຍະສາມ (GPE III-LEAP), ກະຊວງສຶກສາທິ ການ ແລະ ກິລາ (Credit No. 6854 - LA); (1 ສະບັບ) ⇒ ເອກກະສານຄັດຕິດ