• moes

     ໃນຕອນເຊົ້າວັນທີ 24 ພະຈິກ 2020 ຜ່ານມາ ທີ່ສະໂມສອນຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດ. ໂດຍໃຫ້ກຽດເປັນຄະນະປະທ່ານຮ່ວມຂອງສະຫາຍ ພັນຄຳ ວິພາວັນ ກຳມະການກົມການ ເມືອງສູນກາງພັກ ຜູ້ປະຈຳການ ຄະນະເລຂາທິການສູນກາງພັກ ຮອງປະທານ ປະເທດ, ສະຫາຍ ນາງ ແສງເດືອນ ຫຼ້າຈັນທະບູນ ກໍາມະການສູນກາງພັກ ເລຂາຄະນະພັກກະຊວງ ລັດຖະມົນຕີກະຊວງສຶກສາທິການ ແລະ ກິລາ, ຕາງໜ້າຄະນະຈັດຕັ້ງສູນກາພັກ, ຫ້ອງວ່າການສູນການພັກ, ຄະນະປະຈຳ, ຄະນະພັກກະຊວງ ສສກ ຜູ້ແທນສົມບູນ 363 ສະຫາຍ ທີ່ເປັນຕົວແທນໃຫ້ແກ່ສະມາຊິກພັກທັງໝົດ 2860 ສະຫາຍ ພ້ອມແຂກຖືກເຊີນ ເຂົ້າຮ່ວມ.

5      ສະຫາຍ ນາງ ແສງເດືອນ ຫຼ້າຈັນທະບູນ ກ່າວໃຫ້ຮູ້ວ່າ ກອງປະຊຸມໃຫຍ່ຜູ້ແທນອົງຄະນະພັກ ກະຊວງສຶກສາທິການ ແລະ ກິລາ ຄັ້ງທີ IX ໄດ້ໄຂຂຶ້ນຢ່າງສະຫງ່າຜ່າເຜີຍ ໃນທາມກາງບັນຍາກາດທີ່ທົ່ວພັກ, ທົ່ວກອງທັບ ແລະ ທົ່ວປວງຊົນລາວບັນດາເຜົ່າ ທົ່ວປະເທດ ພວມສຸມໃສ່ສະຫຼຸບຕີລາຄາການຈັດຕັ້ງປະຕິບັດມະຕິ ກອງປະຊຸມໃຫຍ່ ຄັ້ງທີ X ຂອງພັກປະຊາຊົນປະຕິວັດລາວ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII ຂອງລັດຖະບານ, ເບີກບານມ່ວນຊື່ນ ກະກຽມສະເຫຼີມສະຫຼອງວັນຊາດ ຄົບຮອບ 45 ປີ (ວັນທີ 2 ທັນວາ 1975 - ວັນທີ 2 ທັນວາ 2020) ແລະ ສ້າງຂະບວນການຕ້ອນຮັບກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ ຢ່າງເປັນຂະບວນຟົດຟື້ນ.

      ກອງປະຊຸມໃຫຍ່ຄັ້ງທີ IX ຂອງອົງຄະນະພັກເຮົາ ໄຂຂຶ້ນໃນຄັ້ງນີ້ ແມ່ນເຫດການ ການເມືອງທີ່ມີຄວາມ ໝາຍສໍາຄັນຢ່າງຍິ່ງຂອງຂະແໜງການສຶກສາ ແລະ ກິລາ ທັງເປັນບາດລ້ຽວປະຫວັດສາດໃນການກໍານົດທິດທາງ ແລະ ໜ້າທີ່ສໍາລັບການພັດທະນາພາລະກິດການສຶກສາ ແລະ ກິລາຂອງພັກເຮົາແຕ່ນີ້ຮອດປີ 2025 ໃຫ້ກ້າວສູ່ຈຸດໝາຍທີ່ວາງໄວ້ດ້ວຍທ່ວງທ່າໃໝ່ອັນໜັກແໜ້ນເພຶ່ອເລັ່ງປັບ ປຸງຄຸນນະພາບການສຶກສາ ແລະ ກິລາ ໃຫ້ດີຂຶ້ນກວ່າເກົ່າ ໂດຍຕິດພັນກັບການຫັນເປັນທັນສະໄໝເທຶ່ອລະກ້າວ, ການອານຸລັກວັດທະນະທໍາອັນດີງາມຂອງຊາດ, ການຮັກສາສະພາບ ແວດລ້ອມຕາມທິດສີຂຽວ ແລະ ຍືນຍົງ ເພຶ່ອພັດທະນາການສຶກສາ ແລະ ກິລາ ທີ່ປະຊາຊົນເພິ່ງພໍໃຈ.

6        ໃນກອງປະຊຸມອັນສະຫງ່າລາສີ ແລະ ມີຄວາມໝາຍຄວາມສໍາຄັນນີ້, ຂ້າພະເຈົ້າ ຕາງໜ້າໃຫ້ ຄະນະບໍລິຫານງານພັກກະຊວງສຶກສາທິການ ແລະ ກິລາ, ຄະນະປະທານກອງປະຊຸມໃຫຍ່ ຄັ້ງທີ IX ແລະ ຜູ້ແທນທີ່ເຂົ້າຮ່ວມກອງປະຊຸມ ຂໍຖືເປັນກຽດຢ່າງສູງ ແລະ ສະແດງຄວາມຂໍ່ານັບຮັບຕ້ອນ ສະຫາຍ ພັນຄໍາ ວິພາວັນ, ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງ ພັກ, ຮອງປະທານປະເທດ ແຫ່ງ ສປປ ລາວ ທີ່ໄດ້ຍາດແບ່ງເວລາອັນມີຄຸນຄ່າຂອງທ່ານມາໃຫ້ຄວາມ ອົບອຸ່ນ ແລະ ຊີ້ນໍາກອງປະຊຸມໃຫຍ່ຂອງພວກເຮົາໃນຄັ້ງນີ້, ຂໍສະແດງຄວາມຂໍ່ານັບຊົມເຊີຍຢ່າງສຸດອົກ ສຸດໃຈ.
         ກອງປະຊຸມໃຫຍ່ຜູ້ແທນອົງຄະນະພັກກະຊວງສຶກສາທິການ ແລະ ກິລາ ຄັ້ງທີ IX ຈະໄດ້ດໍາເນີນ ໄປເປັນເວລາ 1 ວັນເຄິ່ງ. ກອງປະຊຸມຄັ້ງນີ້ ພວກເຮົາຈະໄດ້ພິຈາລະນາ ແລະ ຮັບຮອງເອົາຮ່າງບົດລາຍ ງານການເມືອງ, ແຜນຊີ້ນໍາ ການພັດທະນາການສຶກສາ ແລະ ກິລາ 5 ປີ, ຮ່າງບົດສໍາຫຼວດການນໍາພາ ລວມຂອງຄະນະບໍລິຫານງານພັກກະຊວງສຶກສາທິການ ແລະ ກິລາ ສະໄໝ ທີ VIII, ການປະກອບຄໍາ ເຫັນຂອງຕົວແທນອົງການຈັດຕັ້ງມະຫາຊົນ, ຕົວແທນຮາກຖານພັກຈໍານວນໜຶ່ງ. ຫຼັງຈາກນັ້ນ, ຈະໄດ້ເລືອກຕັ້ງເອົາຄະນະບໍລິຫານງານພັກກະຊວງສຶກສາທິການ ແລະ ກິລາ ຊຸດໃໝ່ ສະໄໝ ທີ IX, ເລືອກຕັ້ງເອົາຜູ້ແທນໄປຮ່ວມກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກປະຊາຊົນປະຕິວັດລາວ, ພິເສດ ພວກເຮົາຈະໄດ້ຮັບຟັງການໂອ້ລົມ ແລະ ໃຫ້ທິດຊີ້ນໍາຂອງ ສະຫາຍ ພັນຄໍາ ວິພາວັນ, ກໍາມະການກົມການເມືອງສູນກາງພັກ, ຜູ້ປະຈໍາການຄະນະເລຂາທິການສູນກາງພັກ, ຮອງປະທານປະເທດ ແຫ່ງ ສປປ ລາວ ໃນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງນີ້ ໃຫ້ປະກົດຜົນເປັນຈິງ.
      ເພຶ່ອເຮັດໃຫ້ກອງປະຊຸມໃຫຍ່ຄັ້ງນີ້ ບັນລຸຕາມຈຸດປະສົງ ແລະ ຄາດໝາຍທີ່ວາງໄວ້ ແລະ ຖືກຕ້ອງຕາມລະບຽບຫຼັກການຂອງພັກ, ຂ້າພະເຈົ້າ ຫວັງວ່າບັນດາສະຫາຍ ຜູ້ແທນກອງປະຊຸມໃຫຍ່ ຈະເຊີດຊູຄວາມຮັບຜິດຊອບ, ເສີມຂະຫຍາຍປະຊາທິປະໄຕຢ່າງແຂງແຮງ, ສຸມຈິດສຸມໃຈ, ສະຕິປັນຍາ ແລະ ກໍາລັງແຮງເຂົ້າໃສ່ການຄົ້ນຄວ້າຄິດຫງໍາ ແລະ ປະກອບຄໍາເຫັນຢ່າງມີຄຸນນະພາບສູງ, ຕົກລົງບັນຫາຕ່າງໆຢ່າງຖືກຕ້ອງ ບົນພື້ນຖານຄວາມສາມັກຄີເປັນປຶກແຜ່ນ ແລະ ມີຄວາມເປັນເອກະພາບ ໃນລະດັບສູງ ເພຶ່ອເຮັດໃຫ້ ກອງປະຊຸມໃຫຍ່ຂອງພວກເຮົາມີຜົນສໍາເລັດຢ່າງຈົບງາມ.

 

ຂໍ້ມູນຈາກ www.facebook.com/IMCLaos/Edu-Sport TV online

Print Email