5        ໃນລະຫວ່າງວັນທີ 02 ຫາ 07 ມິຖຸນາ 2015 ສະຖາບັນພັດທະນະການບໍລິຫານການສຶກສາ ໄດ້ຈັດກອງປະຊຸມຝຶກອົບຮົມສ້າງຄວາມເຂັ້ມແຂງດ້ານການວິໄຈການສຶກສາ ໃຫ້ພະນັກງານຂະແໜງການສຶກສາອ້ອມຂ້າງສະຖາບັນພັດທະ ນາການບໍລິຫານການສຶກສາ ທີ່ທ່າລາດ ເມືອງ ແກ້ວອຸດົມ ແຂວງ ວຽງຈັນ ໂດຍການເປັນປະທານໂດຍ ທ່ານ ຄູນມີ ພົມມະນີມິດ ຜູ້ອໍຳນວຍການສະຖາບັນພັດທະນາການບໍລິຫານການສຶກສາ, ແລະ ປະທານ​ຮ່ວມ​ທ່ານ ​ໄມ​ບູນ ຜານິດ ຮອງ​ຜູ້ອຳນວຍການ​ສະ​ຖາ​ບັນ

, ທ່ານ ຮສ​.ດຣ ຄຳ​ແສງ ທະລັງ​ສີ ຮອງ​ຄະນະ​ບໍ​​ດີ ຄະນະ​ສຶກສາ​ສາດ​ມະຫາວິທະຍາ​ໄລ​ແຫ່ງ​ຊາດ,ມີນັກສໍຳມະນາກອນມາຈາກ 5 ພາກສ່ວນຄື: ສະຖາບັນພັດທະນາການບໍລິຫານການສຶກສາ, ສູນຝຶກອົບຮົມຜູ້ບໍລິຫານການສຶກສາວັງວຽງ, ສູນ​ພັດທະນາ​ຜູ້​ບໍລິຫານ​ການ​ສຶກສາ​ວິທະຍາ​ໄລ​ຄູ​ຫຼວງ​ພະ​ບາງ, ສູນ​ພັດທະນາ​ຜູ້​ບໍລິຫານ​ການ​ສຶກສາ​ວິທະຍາ​ໄລ​ຄູ​ປາກເຊ  ແລະ ສູນພັດທະນາການສຶກສານອກໂຮງຮຽນມີຜູ້ເຂົ້າຮ່ວມທັງໝົດ 40 ທ່ານ,    ຍິງ 14 ທ່ານ, ຄູຝຶກຮັບເຊີນຈາກ ຄະນະສຶກສາສາດ, ມະຫາວິທະຍາໄລແຫ່ງຊາດ 3 ທ່ານ. ​ໃນ​ວາລະເປີດກອງ​ປະຊຸມ​ທ່ານ​ປະທານ​ຍັງ​ໄດ້​​ໃຫ້​ຄຳ​ຄິດຄຳ​ເຫັນ ​ແລະ ເໜັ້ນໜັກ​ເຖິງຄວາມ​ສຳຄັນ ແລະ ຜົນ​ປະ​ໂຫຍ​ດຂອງ​ການ​ວິ​ໄຈ, ວຽກງານວິໄຈ, ຄົ້ນຄວ້າ, ປະເມີນຜົນເປັນວຽກງານທີ່ສຳຄັນ ແລະ ຕິດພັນກັບການພັດທະນາການສຶກສາ.ຈຸດປະສົງກອງປະຊຸມແມ່ນເພື່ອສ້າງຄວາມເຂັ້ມແຂງທາງດ້ານວິທະຍາການວິໄຈໃຫ້ແກ່ພະນັກງານວິຊາການເພື່ອໄດ້ຮຽນຮູ້ ແລະ ເຂົ້າໃຈເປັນເອກະພາບໃນດ້ານຫຼັກການ,ຄວາມໝາຍ, ຄວາມສຳຄັນ ແລະ ປະໂຫຍດຂອງການວິໄຈທາງການສຶກສາ ແລະ ສາມາດປະຕິບັດຂັ້ນຕອນການວິໄຈຂັ້ນພື້ນຖານ ເພື່ອເຮັດໃຫ້ການວາງແຜນສ້າງຄວາມເຂັ້ມແຂງ, ເສີມສ້າງຂີດຄວາມສາມາດໃຫ້ຜູ້ບໍລິຫານການສຶກສາໃຫ້ຖືກຕ້ອງ ແລະ ຊັດເຈນຕາມຄວາມຕ້ອງການພັດທະນາ, ການຊອກຮູ້ບັນຫາ ສາເຫດ ແນວທາງແກ້ໄຂບັນຫາຕ່າງໆໃຫ້ຖືກຕ້ອງຖືກຈຸດຢ່າງແທ້ຈິງ, ມີປະສິດທິພາບ ແລະ ປະສິດທິຜົນສູງ ສະນັ້ນ, ທຸກຂະແໜງການແມ່ນຮຽກຮອງຕ້ອງການພະນັກງານທີ່ມີຄວາມຮູ້, ຄວາມສາມາດ, ມີປະສົບການທາງດ້ານການວິໄຈ.ການ​​​ຝຶກ​ອົບຮົມໄດ້ຮັບຟັງການບັນຍາຍ, ອະທິບາຍ, ​ສົນທະນາກຸ່ມ​ຍ່ອຍ-ໃຫຍ່ ແລກປ່ຽນຄຳຄິດເຫັນລະຫວ່າງວິທະຍາກອນ, ສຳມະນາກອນດ້ວຍກັນ, ແບ່ງ​ກຸ່ມຝຶກ​ປະຕິບັດ​ຕົວ​ຈິງ ແລະ ມີການລາຍງານ​ ​ແລະ ອື່ນໆ...ເນື້ອ​​ຝຶກ​ອົບຮົມ​ປະກອບ​ມີ:

  1. ຄວາມໝາຍຂອງການວິໄຈ
  2. ຂັ້ນຕອນ ຫຼື ຂະບວນການຂອງການວິໄຈ
  3. ​ເອກະສານ​ທີ່​ກ່ຽວຂ້ອງ​ກັບ​ການ​ວິ​ໄຈ
  4. ຕົວ​ປ່ຽນ ​ແລະ ສົມມຸດ​ຖານ
  5. ປະຊາກອນ ​ແລະ ກຸ່ມ​ຕົວຢ່າ​ງ
  6. ​ເຄື່ອງມື​ທີ່​ໃຊ້​ໃນ​ການ​ວິ​ໄຈ
  7. ລັກສະນະ ​ແລະ ການ​ຊອກ​ຫາ​ຄຸນະພາບ​ຂອງ​ເຄື່ອງມື

ການ​ວິ​ເຄາະ​ຂໍ້​ມູນ (​ເບື້ອງ​ຕົ້ນ ພື້ນຖານ)