ສະເຫຼີມສະຫຼອງວັນຄູແຫ່ງຊາດຄົບຮອບ 21 ປີ

4

 

 

 

 

 

 

  ໃນວັນທີ 7 ຕຸລາ 2015 ທີ່ຜ່ານມາ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ໄດ້ຈັດພິທີ ສະເຫຼີມສະຫຼອງວັນຄູແຫ່ງຊາດຄົບຮອງ 21 ປີ (07/10/1994-07/10/2015) ຂື້ນຢູ່ທິດສະດີການເມືອງການປົກຄອງ ໜອງບົວທອງ.

  ໂດຍເປັນກຽດເຂົ້າຮ່ວມຂອງ ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນ, ທ່ານເຈົ້າເມືອງ, ພະນັກງານຄູ-ອາຈານ, ຄູອາວຸໂສທັງປະຈຳການ ແລະ ພັກຜ່ອນບຳນານ ແລະ ລູກ-ຫຼານນັກຮຽນຈາກໂຮງຮຽນຕ່າງໆກໍ່ໄດ້ເຂົ້າຮ່ວມຢ່າງພ້ອມພຽງ.

ໃນໂອກາດດັ່ງກ່າວ, ທ່ານ ຊົມພູ ແກ້ວປັນຍາ ຫົວໜ້າພະແນກສຶກສາທິການ ແລະ ກິລາ ນະຄອນຫຼວງວຽງຈັນໄດ້ກ່າວລາຍງານໃຫ້ຮູ້ເຖິງ ແລະ ຜົນສຳເລັດຂອງຂະແໜງການສຶກາທິການ ແລະ ກິລາ ໃນໄລຍະ 1 ປີທີ່ຜ່ານມາ ແລະ ທິດທາງແຜນການປະຈຳສົກຮຽນ 2015-2016 ໂດຍອີງຕາມ ການພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ VIII. ນອກຈາກນັ້ນ, ທ່ານຍັງໄດ້ກ່າວຈຸດປະສົງລວມ,  ຈຸດປະສົງສະເພາະ, ວຽກງານຂະຫຍາຍໂອກາດເຂົ້າຮຽນ, ແຜນງານປັບປຸງຄຸນນະພາບ ແລະ ຄວາມສອດຄ່ອງ, ແຜນງານບໍລິຫານ ແລະ ບໍລິຫານຄຸ້ມຄອງ ແລະ ມາດຕະການຈັດຕັ້ງປະຕິບັດ. ພ້ອມທັງ, ເລົ່າຄືນມູນເຊື້ອປະຫວັດຄວາມເປັນມາຂອງນາຍຄູຄຳ ໃນສະໄໝທີ່ປະເທດຊາດລາວເຮົາຖືກຮຸກຮານ ແລະ ເປັນຫົວເມືອງຂື້ນຂອງຈັກກະພັດຕ່າງດ້າວ ຈົນມາເປັນວັນຄູແຫ່ງຊາດ ທີ 7 ຕຸລາ ທຸກມື້ນີ້.

ຂະນະດຽວກັນ, ທ່ານຍັງແນະນຳ ແລະ ສະເໜີ ໃຫ້ຄູ -ອາຈາ, ພະນັກງານ, ຕະຫຼອດເຖິງນັກຮຽນ-ນັກສຶກສາຈົ່ງພ້ອມກັນສືບຕໍ່ຮັກສາ ແລະ ເສີມຂະຫຍາຍມູນເຊື້ອຂອງນາຍຄູຄຳ ກໍຄືບັນດາຄູອື່ນໆ ທີ່ມີຄຸນງາມຄວາມດີຕໍ່ປະເທດຊາດ. ພ້ອມນີ້ກໍ່ຕ້ອງເພີ່ມທະວີຄວາມຮັບຜິດຊອບຂອງຕົນ ເພື່ອເຮັດສຳເລັດໜ້າທີ່ການສິດສອນ ແລະ ການສຶກາອົບຮົມແກ່ນັກຮຽນ, ນັກສຶກສາໃຫ້ໄດ້ຮັບຜົນດີ ແລະ ຍີ່ງໃຫຍ່ກ່ວາເກົ່າ.