ພາລະບົດບາດ-ໜ້າທີ່ 

  1. ຄົ້ນຄວ້າຜັນຂະຫຍາຍແນວທາງນະໂຍບາຍ, ກົດລະບຽບ, ມະຕິ, ຄໍາສັ່ງຂອງພັກ, ກົດໝາຍຂອງລັດ,ທິດທາງ,
    ແຜນການ ແລະ ຍຸດທະສາດຂອງກະຊວງ
    ສຶກສາທິການ ແລະ ກິລາ ເພື່ອສ້າງແຜນພັດທະນາວຽກງານ ICT ສໍາ
    ລັບການສຶກສາ ແລະ ກິລາ
    ;
  2. ສ້າງ ແລະ ປັບປຸງນິຕິກຳ, ລະບຽບການ ແລະ ມາດຕະຖານ ໃນການຄຸ້ມຄອງວຽກງານ ICT ສຳລັບການສຶກສາ
    ແລະ ກິລາ
    ;
  3. ສ້າງຄວາມເຂັ້ມແຂງທາງດ້ານ ICT ໃຫ້ແກ່ຄູ ແລະ ບຸກຄະລາກອນ ໃນຂະແໜງການສຶກສາທິການ ແລະ ກິລາ
    ໂດຍສົມ ທົບກັບພາກສ່ວນກ່ຽວຂ້ອງ ຕາມການແບ່ງຂັ້ນການຄຸ້ມຄອງ;
  4. ພັດທະນາ, ຄຸ້ມຄອງ ແລະ ນໍາໃຊ້ ICT ສໍາລັບການຄຸ້ມຄອງບໍລິຫານ, ການຮຽນ-ການສອນ ແລະ ການຄົ້ນຄ້ວາ
    ວິໄຈຂອງຂະແໜງການສຶກສາ ແລະ ກິລາ;
  5. ໃຫ້ບໍລິການດ້ານວິຊາການ ICT ສໍາລັບການສຶກສາ ແລະ ກິລາ ແກ່ບັນດາສະຖານການສຶກສາ, ຂະແໜງການ
    ອື່ນໆ ທັງ ພາກລັດ ແລະ ເອກກະຊົນ;
  6. ຊີ້ນໍາ ເເລະ ປະສານງານທາງດ້ານວິຊາການ ບັນດາສູນໄອຊີທີຂັ້ນແຂວງ, ນະຄອນຫຼວງ ແລະ ສະຖາບັນການສຶກ
    ສາແຫ່ງ ຕ່າງໆ;
  7. ເປັນກອງເລຂາ ຂອງກະຊວງສຶກສາທິການ ແລະ ກິລາ ໃນຄະນະກໍາມະການອິເຕີເນັດແຫ່ງຊາດ ເພື່ອຄຸ້ມຄອງ
    ແລະ ນໍາໃຊ້ອິນເຕີເນັດຂອງຂະແໜງການ;
  8. ພົວພັນ ແລະ ປະສານງານກັບຫ້ອງການ, ກົມ, ອົງການທຽບເທົ່າກົມ, ສະຖານບັນ, ສູນ, ອົງການຈັດຕັ້ງສາກົນ
    ແລະ ອົງການຈັດຕັ້ງຕ່າງໆ ທັງພາກລັດ ແລະ ເອກກະຊົນຕາມການມອບໝາຍຂອງຂັ້ນເທິງ;
  9. ກວດກາ, ຕິດຕາມ, ປະເມີນຜົນ ແລະ ສະຫຼຸບລາຍງານ ການຈັດຕັ້ງປະຕິບັດວຽກງານຂອງຕົນ ໃນແຕ່ລະໄລຍະ;
  10. ປະຕິບັດວຽກງານອື່ນໆ ຕາມການມອບໝາຍຂອງລັດຖະມົນຕີ;  

ຂອບເຂດສິດຂອງ​ " ຕຂສ "

  1. ສະເໜີແຜນການ ແລະ ງົບປະມານເພື່ອພັດທະນາວຽງການທີ່ຕົນຮັບຜິດຊອບຕໍ່ລັດຖະມົນຕີ;
  2. ສະເໜີລັດຖະມົນຕີພິຈາລະນາ, ອະນຸມັດ, ປັບປຸງ, ສ້າງຕັ້ງ ຫຼື ຍົກເລີກບັນດານິຕິກໍາກ່ຽວກັບກັານຄຸ້ມຄອງການ
    ສຶກສາ ແລະ ກິລາທີ່ບໍ່ສອດຄ່ອງກັບວຽກງານຂອງຕົນ
    ;
  3. ສະເໜີລັດຖະມົນຕີພິຈາລະນາ, ອະນຸມັດ, ສ້າງຕັັ້ງ ຫຼື ຍົກເລິກຫົວໜ່ວຍການຈັດຕັ້ງຂອງຕົນ;
  4. ສະເໜີລັດຖະມົນຕີແຕ່ງຕັ້ງ, ປົດຕໍາແໜ່ງ, ພະນັກງານວິຊາການທີ່ຢູ່ໃນຄວາມຮັບຜິດຊອບຂອງຕົນຕາມການ
    ແບ່ງຂັ້ນຄຸ້ມຄອງ ແລະ ຕາມລະບຽບກົດໝາຍ;
  5. ຄຸ້ມຄອງ,ນໍາໃຊ້ງົບປະມານ,ວັດຖຸ,ຊັບສິນ, ກອງທຶນ,ທຶນຊ່ວຍເຫຼືອປະເພດຕ່າງໆ ຕາມການອະນຸມັດຂອງລັດ
    ຖະມົນຕີ;
  6. ສະເໜີລັດຖະມົນຕີປົກປ້ອງ, ຄຸ້ມຄອງບຸກຄະລາກອນ, ຊັບສິນ, ລິຂະສິດທາງດ້ານການສຶກສາ ແລະ ກິລາ;
  7. ປະຕິບັດໂຄງການຊ່ວຍເຫຼືອລ້າ, ໂຄງການເງິນກູ້, ໂຄງການຮ່ວມມືກັບຕ່າງປະເທດ ແລະ ອົງການຈັດຕັ້ງສາກົນ
    ທີ່ລັດຖະບານອະນຸມັດຕາມການອະນຸມັດຂອງລັດຖະມົນຕີ;
  8. ປະຕິບັດວຽກງານອື່ນຕາມການມອບໝາຍຂອງລັດຖະມົນຕີ;