ສູນ​ໄອ​ທີ​ຊີ ຕີ​ລາຄາ​ຄືນ​ເຄິ່ງ​ໄລຍະ​ຈັດ​ຕັ້ງ​ປະຕິບັດ​ໂຄງການ​ປັບປຸງ​ການ​ຮຽນ-ການ​ສອນ ​ແບບເອເລັກໂຕຣນິກ

5180bfcb 362e 4d5c 983d 9bdfe3a7ee16      ສູນ​ເຕັກ​ໂນ​ໂລ​ຊີ​ຂ່າວສານ ​ແລະ ການ​ສຶກສາ ​ແລະ ກິລາ (​ໄອ​ທີ​ຊີ) ກະຊວງ​ສຶກສາ​ທິການ ​ແລະ ກິລາ ​ໄດ້​ຈັດ​ກອງ​ປະຊຸມ​ສະຫຼຸບ​ຕີ​ລາຄາ​ເຄິ່ງ​ໄລຍະ​ຂອງ​ການຈັດ​ຕັ້ງ​ປະຕິບັດ​ໂຄງການ ປັບປຸງ​ການ​ຮຽນ-ການ​ສອນ ​ແບບ​ເອ​ເລັກ​ໂຕຣນິກ ​ໃນ​ວັນ​ທີ 30 ກໍລະກົດ ຜ່ານ​ມາ ທີ່​ໂຮງ​ແຮມ​ລາວ​ພລາຊາ ນະຄອນຫຼວງ​ວຽງ​ຈັນ, ​ໂດຍ​ໃຫ້​ກຽດ​​ເຂົ້າ​ຮ່ວມ​ຂອງ​ ທ່ານ ຮສ.ປອ ກອງ​ສີ​ ແສງ​ມະນີ ຮອງ​ລັດຖະມົນຕີ ກະຊວງ​ຊວງ​ສຶກສາ​ທິການ ​ແລະ ກິລາ, ທ່ານ ນາງ ອີ​ວາ ຫາ​ເກຣີ​ ​ເອກອັກ​ຄະ​ລັດຖະທູດ ປະ​ເທດ​ໂອ​ຕຣິດ ປະ​ຈໍາລາວ, ມີຕາງ​ໜ້າ​ໂຄງການ ບໍລິສັດ Bit Media ປະ​ເທດ​ ໂອ​ຕຣິດ, ຄະນະ​ຮັບຜິດຊອບ​ໂຄງການ, ບັນ​ດາ​ກົມ, ພະ​ແນ​ກອ້ອມ​ຂ້າງ​ກະຊວງ ສສກ, ພະ​ແນ​ກສຶກສາ​ທິການ ​ແລະ ກິລາ, ສູນ​ໄອ​ຊີ​ທີ ນະຄອນຫຼວງວຽງ​ຈັນ/​ແຂວງ​, ​ໂຮງຮຽນ​ເຄື່ອຄ່າ​ຍ​ເປົ້າ​ໝາຍ​ໂຄງການ 26 ​ແຫ່ງ​ໃນ​ທົ່ວ​ປະ​ເທດ ​ແລະ ພາກສ່ວນ​ທີ່ກ່ຽວຂ້ອງ​.

​      ​ໃນ​ກອງ​ປະຊຸມ, ທ່ານ ພູ​ເຂົາ​ກ້າ ສັກ​ລໍ​ຄໍາ ຮັກສາ​ການ​ຜູ້​ອໍານວຍ​ການ ສູນ​ເຕັກ​ໂນ​ໂລ​ຊີ​ຂ່າວສານ ​ແລະ ການ​ສຶກສາ ​ແລະ ກິລາ ກະຊວງສຶກສາທິການ ແລະ ກິລາ ​ໄດ້​ລາຍງານກ່ຽວກັບ ການ​ຈັດ​ຕັ້ງ​ປະຕິບັດ​ໂຄງການ​ປັບປຸງ​ລະບົບ​ການ​ຮຽນ-ການ​ສອນ ​ແບບ​ເອ​ເລັກ​ໂຕຣນິກ ​ໃຫ້​ຮູ້​ວ່າ: ໂຄງການ​ດັ່ງກ່າວ ​ແມ່ນມີ​ຈຸດປະສົງ​ເພື່ອ​ປັບປຸງ​ລະບົບ​ການ​ຮຽນ-ການ​ສອນ ​ເອ​ເລັກ​ໂຕຣນິກ ​ເປັນ​ຕົ້ນ​ແມ່ນ ພັດທະ​ນາ​ລະບົບ​ຈັດການ​ຮຽນ-ການ​ສອນ ​ແບບ​ເອ​ເລັກ​ໂຕ​ຣນິກ (LMS) ​ແລະ ​ເຄື່ອງມື​ຜະລິດ​ສື່​ການ​ຮຽນ​-ການ​ສອນ, ພັດທະນາ​ລະບົບ​ຄຸ້ມ​ຄອງ​ໂຮງຮຽນ​ແບບ​ເອ​ເລັກ​ໂຕຣນິກ, ປັບປຸງ​ເຄື່ອຂ່າຍ ​ແລະ ຖານ​ຂໍ້​ມູນ, ສະໜອງ​ອຸປະກອນ​ໄອ​ຊີ​ທີ ທີ່​ຈໍາ​ເປັນ ​ແລະ ສ້າງ​ຂີດ​ຄວາມ​ສາມາດ ສະ​ເພາະ​ດ້ານ​ກ່ຽວ​ກັບ​ການ​ນໍາ​ໃຊ້​ໄອ​ຊີ​ທີ​ສໍາລັບ​ການ​ສຶກສາ. ນອກນັ້ນ, ​ການຈັດ​ຕັ້ງ​ປະຕິບັດ​ໂຄງການ ​ແມ່ນ​ອີງ​ຕາມ ​ແຜນ​ຈັດ​ຕັ້ງ​ປະຕິບັດ​ໂຄງການ Appendik4-Work Schedule ​ແມ່ນ​ໄດ້​ແບ່ງອອກ​ເປັນ 5 ​ໄລຍະ​ເວລາ ​ແລະ 9 ກິດຈະ​ກໍາ​ຫຼັກ ຄື: ​ໄລຍະທີ 1 (5 ​ເດືອນ​ທໍາ​ອິດ) ​ໄດ້​ກໍານົດ​ມາດຖານ ​ແລະ ​ເງື່ອນ​ໄຂ​ຂອງ​ຊັອບ​ແວ ​ແລະ ຮາດ​ແວ, ພ້ອມ​ທັງນໍາ​ສົ່ງ​ໃຫ້​ກະຊວງ​ສຶກສາ​ທິການ ​ແລະ ກິລາ, ​ໄລຍະທີ 2 (7 ​ເດືອນ) ​ແມ່ນ​ການຈັດ​ຕັ້ງ​ປະຕິບັດ​ການ​ປັບປຸງ​ຊັອບ​ແວ ​ໃຫ້​ເປັນ​ພາສາ​ລາວ, ​ໄລຍະ​ທີ 3 (3 ​ເດືອນ) ​ແມ່ນ​ການ​ທົດລອງ​ການ​ນໍາ​ໃຊ້​ຊັອບ​ແວ ​ແລະ ຮາດ​ແວ, ​ໄລຍະ​ທີ 4 (2 ​ເດືອນ) ການ​ເຝິກອົບຮົມ​ການ​ນໍາ​ໃຊ້​ຊັອບ​ແວ ​ແລະ ຮາດ​ແວ ​ແລ​ະ ​ໄລຍະ​ທີ 5 ​ໃນ​ເດືອນ​ສຸ​ດທ້າຍ ​ແມ່​ນການ​ທົດ​ລອງ​ນໍາ​ໃຊ້​ຕົວ​ຈິງ. ເຊິ່ງມາ​ຮອດ​ວັນທີ 30 ກໍລະກົດ 2018 ສາມາດ​ສໍາ​ເລັດ ​ເປັນ​ຕົ້ນ​ແມ່ນ​ການ​ພັດທະນາ​ຊັອບ​ແວ ​ໄດ້​ສໍາ​ເລັດ​ໂດຍ​ພື້ນຖານ, ຫຼັກສູດ​ມາດຕະຖານ​ໄອ​ທີຊີ ສໍາ​ເລັດ​ການກວດ​ແກ້​ການ​ແປ​ຈາກ​ພາສາ​ອັງກິດ​ເປັນ​ພາສາ​ລາວ (ປັດຈຸ​ບັນຢູ່​ຂັ້ນ​ຕອນ​ອັດ​ສຽງ), ສໍາ​ເລັດ​ການ​ເຝິກອົບຮົມ​ສະ​ເພາະ​ດ້ານ ຈໍານວນ 15 ຄົນ ທີ່​ປະ​ເທດ​ໂອ​ຕຣິດ, ​ສໍາ​ເລັດ​ການ​ສະໜອງ​ອຸປະກອນ​ໄອ​ທີ​ຊີ  ງວດ​ທໍາ​ອິດ ຈໍານວນ 17 ລາຍການ ​ໃນ​ຈໍານວນ​ທັງ​ໝົດ 50 ລາຍການ ​ແລະ ຫ້ອງ​ຜະລິດ​ສື່​ການ​ຮຽນ-ການ​ສອນ ​ແບບ​ເອ​ເລັກ​ໂຕຣນິກ ຈະສໍາ​ເລັດ​ໃນ​ການ​ປັບປຸງ​ຫ້ອງ​ໃນ​ວັນ​ທີ 3 ສິງຫາ 2018 ​ແລະ ຈະ​ສໍາ​ເລັດ​ການ​ຕິດ​ຕັ້ງ​ອຸປະກອນ​ໃນ​ທ້າຍ​ເດືອນ ສິງ​ຫາ 2018.9cd6848b 20fa 473e ad73 9db42fc247fb

      ສໍາລັບ​​ແຜນການ​ໃນ​ຕໍ່ໜ້າ ​ແມ່ນ​ຈະ​ສືບ​ຕໍ່​ເຝິກອົບຮົມ​ສະ​ເພາະ​ດ້ານ​ໃຫ້​ພະນັກງານ, ຄູ-ອາຈານ ທີ່ຢູ່​ໃນ​ກຸ່ມ​ເປົ້າ​ໝາຍ​ໃຫ້​ສໍາ​ເລັດ​ຕາມ​ແຜນ, ທົດລອງ​ການ​ນໍາ​ໃຊ້​ຊັອບ​ແວ​ຢູ່​ສູນ​ກາງ, ທົດ​ລອງ​ການ​ນໍາ​ໃຊ້​ຊັອບ​ແວ​ຕົວ​ຈິງ​ຢູ່​ໂຮງຮຽນ​ເປົ້າ​ໝາຍ (ສູນ​ໄອ​ຊີ​ທີ​ແຂວງ/ນະຄອນຫຼວງ​ວຽງ​ຈັນ ​ແລະ ​ໂຮງຮຽນ​ມັດທະຍົມ​ອ້ອມ​ຂ້ອງ 26 ​ແຫ່ງ​ທົ່ວ​ປະ​ເທດ) ​ໃນ​ລະຫວ່າງ​ພາກຮຽນ 1 ສົກຮຽນ 2018-2019 ​ເພື່ອ​ກຽມ​ຄວາມ​ພ້ອມ​ໃນ​ການ​ນໍາ​ໃຊ້​ຕົວ​ຈິງ​ໃນ​ພາກຮຽນ​ທີ 2 ​ແລະ ສຶກສາ​ຄວາມ​ເປັນ​ໄປ​ໄດ້​ໃນ​ການ​ຂະຫຍາຍ​ໂຄງການ.

​      ​ໂອກ​າດດັ່ງກ່າວ, ທ່ານ ຮສ.ປອ ກອງ​ສີ​ ແສງ​ມະນີ ໄດ້​ເນັ້ນ​ໜັກ​ໃຫ້​ພາກສ່ວນ​ຕ່າງໆ​ທີ່​ກ່ຽວຂ້ອງ​ເອົາ​ໃຈ​ເປັນ​ພິ​ເສດ​​ ໂດຍ​ສະ​ເພາະ​ສູນ​ໄອ​ຊີ​ທີ ​ແລະ ບໍລິສັດ​ຄູ່​ຮ່ວມ ສືບ​ຕໍ່​ຈັດ​ຕັ້ງ​ປະຕິບັດ​ໂຄງການ ​ໂດຍ​ອີງ​ໃນ​ສັນຍາ​ການສະໜອງ ​ແລະ ຄູ່​ມື​ປະຕິບັດ​ໂຄງການ ຢ່າງ​ເຂັ້ມ​ງວດ ​ແລະ ​ເຄັ່ງ​ຄັດ ​ເພື່ອ​ຫຼີກ​ລ່ຽງ​ບັນຫາ​ຕ່າງໆ ທີ່​ອາດ​ຈະ​ເກີດ​ຂຶ້ນ​ໄດ້; ຂໍ​ໃຫ້​ສືບ​ຕໍ່​ປະຕິບັດ​ການ​ລາຍ​ງານ​ຄວາມ​ຄືບ​ຫນ້າ​ກ່ຽວ​ກັບ​ການຈັດ​ຕັ້ງ​ປະຕິບັດ​​ໂຄງການ ​ໃຫ້​ຄະນະ​ນໍາ​ກະຊວງ ​ແລະ ພາກສ່ວນ​ທີ່​ກ່ຽວຂ້ອງ​ຢ່າງ​​ເປັນ​ໄລຍະ ​ເພື່ອ​ໃຫ້​ໂຄງການ​ມີ​ຄວາມ​ຍືນ​ຍົງ; ຂໍ​ໃຫ້​ບໍລິສັດ ​ໄດ້​ເອົາ​ໃຈ​ໃສ່​ຢ່າງ​ມີ​ຄວາມ​ຮັບຜິດຊອບ​ກ່ຽວ​ກັບ​ການ​ສ້າງ​ຂີດ​ຄວາມ​ສາມາດ ​ແລະ ຄວາມ​ຊໍານານ ​ໃຫ້​ແກ່​ພະ​ນັກ​ງານ​ຄຸ້ມ​ຄອງ ​ແລະ ນໍາ​ໃຊ້ ​ແລະ ພາກສ່ວນ​ຕ່າງໆ ທີ່​ກ່ຽວຂ້ອງ ​ໂດຍ​ສະ​ເພາະ​ພະ​ແນ​ກສຶກສາ​ທິການ ​ແລະ ກິລາ​ແຂວງ/ນະຄອນຫຼວງ​ວຽງ​ຈັນ, ສູນ​ໄອ​ຊີ​ທີ​ແຂວງ/ນະຄອນຫຼວງ​ວຽງ​ຈັນ ​ແລະ ​ໂຮງຮຽນ​ມັດທະຍົມ​ເປົ້າ​ໝາຍ ຈົ່ງ​ໄດ້​ໃຫ້ການ​ຮ່ວມ​ມື​ໃນ​ການຈັດ​ຕັ້ງ​ປະຕິບັດ​ໂຄງການ​ດັ່ງກ່າວ ດ້ວຍ​ຄວາມ​ເອົາ​ໃຈ​​ໃສ່ສູງ.

​ໂດຍ: ນາງ ຕຸ່ນ​ຄໍາ