ທ່ານ ນາງ ຢູ ຫັນ ສຸກ ທູດກິດ​ຕິ​ມະ​ສັກ ສ ​ເກົາຫຼີ ປະຈຳ​ລາວ ​ພ້ອມ​ດ້ວຍ​ຄະນະ

ທ່ານ ນາງ ຢູ ຫັນ ສຸກ ທູດກິດ​ຕິ​ມະ​ສັກ ສ ​ເກົາຫຼີ ປະຈຳ​ລາວ ​ພ້ອມ​ດ້ວຍ​ຄະນະ
​ໄດ້​​ເຂົ້າຢ້ຽມ​ຄຳນັບ ​ເພື່ອຮ່ວມ​ສະ​ແດງ​ຄວາມ​ຍິນ​ດີ​​ທີ່
ທ່ານ ນາງ ​ແສງ​ເດືອນ ຫຼ້າ​
ຈັນທະ​ບູນ ​ໄດ້​ຮັບ​ການ​ແຕ່ງ​ຕັ້ງ ​ແລະ ດຳລົງ​ຕຳ​ແໜ່​ງ​ເປັນ​ລັດຖະມົນຕີ ກະຊວງ​

ສຶກສາ​ທິການ ​ແລະ ກິລາ ຜູ້​ໃໝ່, ພ້ອມ​ທັງ​​ເຫັນ​ດີ​ສືບ​ຕໍ່​ໃຫ້ການ​ຮ່ວມ​ມື​ໃນ​ການ
​ວຽກ​ງານ​ທາງ​ດ້ານ​ການ​ສຶກສາ​ໃນ​ລາວ ​ແນ່​ໃສ່​ເຮັດ​ໃຫ້​ການພັດທະນາ​ການ​ສຶກສາ
​ໃນ ສປປ ລາວ ​ໃຫ້​ມີ​ຄວາມ​ກ້າວໜ້າ​ຂຶ້ນ​ເປັນ​ກ້າວໆ ​ເມື່ອ​ວັນ​ທີ 4 ມິຖຸນາ ຜ່ານ​
ມາ ທີ່່ກະຊວງ​ສຶກສາ​ທິການ ​ແລະ ກິລາ.
​      ໃນ​ໂອກາດ​ດັ່ງກ່າວ, ທ່ານ ນາງ ຢູ ຫັນ ສຸກ ​ໄດ້​ກ່າວ​ໃຫ້​ຮູ້​ວ່າ: ມີ​ຄວາມ​ສົນ
​ໃຈ​ໃຫ້ການ​ຊ່ວຍ​ເຫຼືອວຽກ​ງານ​ການສຶກສາ​ໃນ​ ສປປ ລາວ ​ໂດຍ​ສະ​ເພາະ ​ແມ່ນ​
ການ​ປຸກ​ສ້າງ​ໂຮງຮຽນ, ຂັ້ນ​ປະຖົມ, ມັດ​ທະ​ຍົມສຶກສາ​ຕອນ​ຕົ້ນ ​ແລະ ຕອນ​ປາຍ
​ທີ່​ແຂວງ​ຫົວພັນ, ພ້ອມ​ທັງ​ສະ​ເໜີ​​ທາງ​ກະຊວງ​ສຶກສາ​ທິການ ​ແລະ ກິລາ ​ໃຫ້​ຂໍ້
​ມູນ​ກ່ຽວ​ກັບ​ການ​ປຸກ​ສ້າງ​ໂຮງຮຽນ​ພາຍ​ໃນ​ແຂວງ​ດັ່ງກ່າວວ່າມີ​ເມືອງ​ໃດ, ບ້ານ
​ໃດ ​ແລະ ມີ​ເນື້ອ​ທີ່​ດິນ​ເທົ່າ​ໃດ ​ໂດຍຈະ​ໄດ້​ນຳ​ຂໍ້​ມູນ​ດັ່ງກ່າວ ​ໄປ​ຄົ້ນຄວ້າ​ແຫຼ່ງທຶນ
​ມາ​ຊ່ວຍ​ເຫຼືອ. ນອກຈາກ​ນັ້ນ, ທ່ານຍັ​ງ​ໄດ້​ສະ​ເໜີ​ໃຫ້​ທຶນ​ການສຶກສາ​ແກ່​ນັກ​ສຶກ
ສາລາ​ວ ຈຳນວນ 4 ທຶນ ​ໂດຍ​ການນຳ​ເອົາ​ຊີວະ​ປະຫວັດ​ຂອງ​ນັກຮຽນ​ແຕ່ລະຄົນ
​ ​ເພື່ອ​ໄປ​ຄົ້ນຄວ້າ​ເບິ່ງ​ວ່ານັກຮຽນ ຈຳນວນ 4 ຄົນນັ້ນ ​ຈົບ​ມາ​ໃນ​ລະດັບ​ໃດ ​ເພື່ອ​
ທີ່ຈະ​ໄດ້​​ຊັບຊ້ອນ​ເຂົ້າ​ໃນ​ການ​ສຶກສາຕໍ່​ທີ່ ສ ​ເກົາຫຼີ. ​​​ສ່ວນ​ວິຊາ​ ​ແລະ ​ສາຍ​ການ​
ຮຽນ​ວ່າ​ຈະ​ຮຽນ​ໃນ​ສາຍ​ໃດ​ນັ້ນ ​ແມ່ນ​ໃຫ້​ທາງ​ກະຊວງ​ສຶກສາ​ທິການ ​ແລະ ກິລາ
​ເປັນ​ທາງ​​ເລື​ອກສາຍ​ຮຽນ​ເລີຍ ວ່າຜູ້ກ່ຽວ​ຕ້ອງການ​ຢາກ​ຮຽນ​ໃນ​ສາຍ​ວິຊາໃດ.
ພ້ອມ​ນັ້ນ, ທ່ານ​ຍັງ​ໄດ້​ກ່າວ​ຕື່ມ​ອີກ​ວ່າ ​ຍິນ​ດີທີ່​ຈະ​ສືບ​ຕໍ່​​ໃຫ້ການ​ຊ່ວຍ​ເຫຼືອວຽກ
​ງານ​ຂອງ​ຂະ​ແໜງການສຶກສາ​ຂອງ​ລາວ​ໃນ​ໄລຍະ​ຕໍ່​ໄປ ​ແລະ ​ໃນ​ໂອກາດ​ທີ່​ມໍ່ໆ​ນີ້
ທ່ານ​ຍັງ​ຈະ​​ໃຫ້ການຊ່ວຍ​ເຫຼືອຄອມ​ພິວ​ເຕີ ຈຳນວນ 3.000 ​ເຄື່ອງ​ໃຫ້​ແກ່​ກະ
ຊວງສຶກສາ​ທິການ ​ແລະກິລາ​ອີກ.
        ຂະນະ​ທີ່, ທ່ານ ນາງ​ ​ແສງ​ເດືອນ ຫຼ້າ​ຈັນທະ​ບູນ ກໍ່​ໄດ້​ກ່າວ​ສະ​ແດງ​ຄວາມ
​ຂອບ​ໃຈ ​ແລະ ຕ້ອນຮັບ​ຢ່າງ​ອົບ​ອຸ່ນ ພ້ອມ​ທັງຍິນ​ດີ​ທີ່​ຈະ​ໃຫ້​ຂໍ້​ມູນ​ກ່ຽວ​ກັບ​ການ
​ປຸກ​ສ້າງ​ໂຮງຮຽນ​​ທີ່​ແຂວງ​ຫົວພັນ.  ນອກຈາກ​ນັ້ນ, ທ່ານ​ຍັງ​ໄດ້ສະ​ເໜີ​ຂໍ​ຄວາມ​
ຊ່ວຍເຫຼືອ​ໃນ​ການ​ປຸກ​ສ້າງ​​ຫໍ​ພັກ​ໃຫ້​​ແກ່ຄູ-​ອາຈານ ​ພາຍ​ໃນ 17 ​ແຂວງ ​ຢູ່​ໃນ​​ເຂດ
ຫ່າງ​ໄກ​ຊອກ​ຫຼີກ ​ເພື່ອ​ສ້າງ​ຄວາມ​ສະດວກ​ໃຫ້​ແກ່​ເຂົາ​ເຈົ້າ​ໃນ​ການ​ໄປ​​ສິດສອນ ​
ແລະ ຍິນ​ດີ​ທີ່​ຈະ​ໃຫ້​ຄວາມ​ຮ່ວມ​ມື​ລະຫວ່າງ 2 ຝ່າຍ ລາວ ​ເກົາຫຼີ ​ໃນ​ການ​ພັດທະ
ນາ​ການ​ສຶກສາຂອງ​ລາວ. ພ້ອມ​ນັ້ນ​, ຍັງ​ມີ​ແຜນ​ຈະ​ເອົາ​ຄອມ​ພິວ​ເຕີ​ເຂົ້າ​ໃສ່​ຫ້ອງ
​ຮຽນ​ຊັ້ນມັດທະຍົມ​ສຶກສາ​ໃນ​ທຸກໆ​ແຂວງ ແນ່​ໃສ່​ເພື່ອຍົກ​ລະດັບ​ການ​ສຶກສາ​
ຂອງນ້ອງ​ນັກຮຽນ​ຮູ້ ​ກ່ຽວ​ກັບ​ວຽກ​ງານ​ໄອ​ທີດີ​​ເພີ່ມ​ຂຶ້ນ​ສູງ​ກວ່າ​ເກົ່າ.