ກອງປະຊຸມຝຶກອົບຮົມວຽກງານການເງິນ ໂດຍການເປັນປະທານ ຂອງ ທ່ານ ລັດຖະມົນຕີຊ່ວຍ ສສກ

Category: ກອງປະຊຸມ
Published: Sunday, 12 June 2016 02:59
Written by Super User
Hits: 654

ປະທານ ເຄວີຊີ ຍີ່ປຸ່ນ ເຂົ້າພົບ ລັດຖະມົນຕີຊ່ວຍ ສສກ


    12435850 775393515896136 1169567661 n ທ່ານ ມິຕານິ ຢູຈິ ປະທານສະມາຄົມອາສາສະໝັກຮ່ວມມືສາກົນ ແຂວງຄະງະວະ ປະເທດຍີ່ປຸ່ນ (ເຄວີຊີ : KVC) ພ້ອມດ້ວຍຄະນະ ໄດ້ເຂົ້າຢ້ຽມພົບປະ ທ່ານ ບົວລານ ສິລິປັນຍາ ລັດຖະມົນ ຕີຊ່ວຍວ່າການ ກະຊວງສຶກສາທິການ ແລະ ກິລາ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນວັນທີ 28 ທັນວາ ຜ່ານມາ ທີ່ກະຊວງສຶກສາທິການ ແລະ ກິລາ.

 


ໂອກາດນີ້, ທ່ານ ມິຕານິ ຢູຈິ ກ່າວສະແດງຄວາມຂອບໃຈເປັນຢ່າງສູງທີ່ທ່ານລັດຖະມົນຕີຊ່ວຍວ່າການ ກະຊວງ ສສກ ພ້ອມດ້ວຍຄະນະ ທີ່ໄດ້ເສຍສະຫຼະເວລາອັນມີຄ່າໃຫ້ກຽດຕ້ອນຮັບຢ່າງ ອົບອຸ່ນ. ຕະຫຼອດໄລຍະ 20 ກວ່າປີຜ່ານມາ ຈົນເຖິງປັດຈຸບັນ ສະມາຄົມອາສາສະໝັກຮ່ວມມືສາກົນແຂວງຄະງະວະ ປະເທດຍີ່ປຸ່ນ ແມ່ນໄດ້ຮັບການສະໜັບສະໜູນໃນການພັດທະນາຂະແໜງການສຶກສາ ແລະ ກິລາ ຂອງ ສປປ ລາວ ມາຢ່າງຕໍ່ເນື່ອງ ເປັນຕົ້ນແມ່ນການໃຫ້ການຊ່ວຍເຫຼືອລ້າໃນການປຸກສ້າງໂຮງຮຽນປະຖົມ, ສູນເຝິກອົບຮົມວິຊາຊີບ, ອຸປະກອນການສຶກສາ ແລະ ອື່ນໆ ໂດຍຜ່ານສູນກາງ ຊາວໜຸ່ມປະຊາຊົນປະຕິວັດລາວ.
ທ່ານປະທານສະມາຄົມ ເຄວີຊີ ກ່າວອີກວ່າ: ການນຳພາຄະນະຊາວໜຸ່ມຈາກແຂວງຄະງະວະ ປະເທດຍີ່ປຸ່ນ ເຄື່ອນໄຫວຢ້ຽມຢາມ ສປປ ລາວ ຄັ້ງນີ້ ແມ່ນເພື່ອສືບຕໍ່ສ້າງສາຍພົວພັນ, ການພົບປະ ແລກປ່ຽນ ແລະ ການໄປ-ມາຫາສູ່ກັນຢ່າງສະໝ່ຳສະເໝີ ໂດຍສະເພາະແມ່ນການເຕົ້າໂຮມກັນຂອງ ບັນດາຊາວໜຸ່ມ ແລະ ຄູ-ອາຈານຈາກແຂວງຄະງະວະ ທີ່ໄດ້ມີມູນເຊື້ອຈັດມາທຸກໆປີ ເພື່ອເປັນການ ເສີມສ້າງຄວາມເຂົ້າໃຈເຊິ່ງກັນແລະກັນ ລະຫວ່າງຊາວໜຸ່ມລາວ ແລະ ຍີ່ປຸ່ນ ກໍ່ຄືປະຊາຊົນ 2 ຊາດ ລາວ-ຍີ່ປຸ່ນ ໂດຍຜ່ານຊາວໜຸ່ມຂອງທັງ 2 ປະເທດ ໃຫ້ມີຄວາມເຂົ້າອົກເຂົ້າໃຈ ແລະ ສາມັກຄີແໜ້ນ ແຟ້ນຍິ່ງໆຂຶ້ນ.
ໃນໂອກາດດຽວກັນ, ທ່ານ ບົວລານ ສິລິປັນຍາ ກ່າວວ່າ: ໄດ້ສະແດງຄວາມຍ້ອງຍໍຊົມເຊີຍຕໍ່ສະມາຄົມອາສາສະໝັກຮ່ວມມືສາກົນ ແຂວງຄະງະວະ ປະເທດຍີ່ປຸ່ນ ທີ່ໄດ້ໃຫ້ການຊ່ວຍເຫຼືອລ້າແກ່ ສປປ ລາວ ໂດຍສະເພາະແມ່ນໃນຂະແໜງການສຶກສາ ແລະ ກິລາ ເປັນຕົ້ນແມ່ນການສະໜັບໜູນເຄື່ອງກິລາ, ອຸປະກອນການສຶກສາ, ການປຸກສ້າງອາຄານຮຽນ ແລະ ອື່ນໆ ນັບແຕ່ປີ 1995 ຈົນຮອດປັດຈຸບັນ, ເຊິ່ງເປັນການປະກອບສ່ວນອັນສຳຄັນໃນການພັດທະນາເສດຖະກິດ-ສັງຄົມ ກໍ່ຄືການພັດທະນາຊັບພະຍາກອນມະນຸດຂອງ ສປປ ລາວ ໃຫ້ມີຄວາມຮູ້ຄວາມສາມາດ ຫຍັບເຂົ້າໃຫ້ຄຽງກັບພາກພື້ນ ແລະ ສາກົນ.