ກອງປະຊຸມເຜີຍແຜ່ແຜນປະຕິບັດວຽກງານ (Workplan 2019)
ກອງປະຊຸມເຜີຍແຜ່ແຜນປະຕິບັດວຽກງານ (Workplan 2019) ຂອງໂຄງການສ້າງຄວາມເຂັ້ມແຂງໃຫ້ແກ່ວຽກງານການສຶກສາຊັ້ນສູງໄລຍະ 2 ໄດ້ຈັດຂື້ນໃນວັນທີ 08 ກໍລະກົດ 2019 ທີ່ ເມືອງ ແກ້ວອຸດົມ, ແຂວງ ວຽງຈັນ ພາຍໃຕ້ການເປັນປະທານຂອງທ່ານ ຮສ. ປອ. ສາຍຂອງ ສາຍນາສິນ ຫົວໜ້າກົມການສຶກສາຊັ້ນສູງ/ຫົວໜ້າຄະນະຮັບຜິດຊອບໂຄງການ ພ້ອມດ້ວຍໜ່ວຍຈັດຕັ້ງປະຕິບັດໂຄງການຂອງມະຫາວິທະຍາໄລແຫ່ງຊາດ, ມະຫາວິທະຍາໄລສຸພານຸວົງ, ມະຫາວິທະຍາໄລສະຫວັນນະເຂດ, ມະຫາວິທະຍາໄລຈຳປາສັກ ແລະ ກົມກອງທີ່ກ່ຽວຂ້ອງພາຍໃນກະຊວງສຶກສາທິການ ແລະ ກິລາ. ຊຶ່ງເນື້ອໃນຂອງກອງປະຊຸມແມ່ນໄດ້ເວົ້າເຖິງແຜນຈັດຕັ້ງປະຕິບັດວຽກງານການກໍ່ສ້າງພື້ນຖານໂຄງລ່າງຂອງມະຫາວິທະຍາໄລສະຫວັນນະເຂດ, ສູນຄວາມເປັນເລີດ, ວຽກງານຈັດຊື້ຈັດຈ້າງ, ແຜນພັດທະນາ ແລະ ຍົກລະດັບຄູ-ອາຈານຂອງມະຫາວິທະຍາໄລ ແລະ ການຈັດກອງປະຊຸມຝຶກອົບຮົມຕ່າງໆ.
