DSC 0079DSC 0111images new
ເມືອງທົ່ງມີໄຊ ແຂວງໄຊຍະບູລີ ໄດ້ດຳເນີນການສອບເສັງຈົບຊັ້ນ ມ4 ສົກຮຽນ2018-2019ຂື້ນຢ່າງເປັນທາງການໃນຕອນເຊົ້າຂອງວັນທີ່ 18 ມິຖຸນາ 2019 ເຖິງ ວັນທີ 20ມິຖຸນາ2019 ທີ່ສູນສອບເສັງໂຮງຮຽນ ມ.ສ ທົ່ງມີໄຊ ໂດຍການເຂົ້າຮ່ວມຂອງທ່ານ ອາລຸນສັກ ລິນທະວົງ ຮອງເລຂາພັກເມືອງ ຮອງເຈົ້າເມືອງ ມີທ່ານ ອິນປັນ ໄຊຍະເດດ ກໍາມະການຊີ້ນໍາການສອບເສັງຂັ້ນແຂວງ ມີຄະນະຈາກຫ້ອງການສຶກສາເມືອງ, ຄູອາຈານ ນ້ອງນັກຮຽນເຂົ້າຮ່ວມ.
ໃນໂອກາດດັ່ງກ່າວ ທ່ານ ອາລຸນສັກ ລິນທະວົງ ຮອງເລຂາພັກເມືອງ ຮອງເຈົ້າເມືອງ ກໍ່ໄດ້ເປີດຫົວບົດສອບເສັງ ພາຍໃນຫ້ອງສອບເສັງ ເຊີ່ງແມ່ນວິຊາພາສາລາວ-ວັນນະຄະດີເປັນວິຊາທຳອິດໃນການສອບເສັງ ລວມທັງໝົດມີ 6 ວິຊາສອບເສັງຄື: ວິຊາພາສາລາວ-ວັນນະຄະດີ, ສືກສາພົນລະເມືອງ, ວິທະຍາສາດທໍາມະຊາດ, ວິທະຍາສາດສັງຄົມ,ຄະນິດສາດ ແລະ ວິຊາພາສາອັງກິດ ມີ 1 ສູນສອບເສັງ ມີ 3 ໂຮງຮຽນໃນທົ່ວເມືອງ ໃນນີ້ມີມໍຕົ້ນ ມ.ສ ທົ່ງມີໄຊ, ມໍຕົ້ນ ມ.ສ ນາມ່ວງ ແລະ ມໍຕົ້ນ ບ້ານໃໝ່ ມີນັກຮຽນເຂົ້າສອບເສັງທັງໝົດ 105 ຄົນ,ຍິງ 52 ຄົນ ມີຄະນະກຳມະການເຝົ້າຫ້ອງ 12 ຄົນ ຍິງ 6 ຄົນ ແບ່ງອອກເປັນ 5 ຫ້ອງສອບເສັງ. ການສອບເສັງໃນຄັ້ງນີ້ແມ່ນໃຊ້ເວລາ 3 ວັນເຕັມດ້ວຍບັນຍາກາດອັນເປັນຂະບວນຟົດຟື້ນ ແລະ ມີຜົນສຳເລັດດ້ວຍໝາກຜົນສູງ.

35156801 471701319944951 6772852770807480320 n
ໃນຕອນເຊົ້າຂອງວັນທີ 12 ມີຖຸນາ 2018 ຢູ່ທີ່ໂຮງຮຽນມັດທະຍົມສົມບູນເມືອງທົ່ງມີໄຊແຂວງໄຊຍະບູລີ ໄດ້ເປີດການສອບເສັງຈົບຊັ້ນມັດທະຍົມຕອນຕົ້ນຂື້ນຢ່າງເປັນທາງການ ເປັນກຽດເຂົ້າຮ່ວມເປັນປະທານ ພ້ອມທັງຕັດຊອງຫົວບົດສອບເສັງໃນຄັ້ງນີ້ ມີທ່ານ ສາຍສະໝອນ ພົມມະຂັນ ຮອງເລຂາຄະນະບໍລິຫານງານພັກເມືອງ ຮອງເຈົ້າເມືອງໆທົ່ງມີໄຊ, ມີທ່ານ ທອງລ່ຽນ ແກ້ວມະນີ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາເມືອງ, ທ່ານ ນາງ ສຸກສາຄອນ ສິງສະຫວາດ ຫົວໜ້າຂະແໜງກວດກາປະເມີນຜົນການສຶກສາ ພະແນກ ສຶກສາທິການ ແລະ ກິລາແຂວງໄຊຍະບູລີ, ບັນດາຄູ-ອາຈານ, ຄະນະກຳມະການເຝົ້າຫ້ອງສອບເສັງ, ຕະຫຼອດຮອດນັກສອບເສັງຈົບຊັ້ນມັດທະຍົມຕອນຕົ້ນ ເຂົ້າຮ່ວມຢ່າງພ້ອມພຽງ. ເຊິ່ງການສອບເສັງໃນຄັ້ງນີ້ໄດ້ມີນັກຮຽນເຂົ້າຮ່ວມສອບເສັງທັງໝົດ 122ນ້ອງ, ຍິງ 70ນ້ອງ, ປະກອບມີ 6ວິຊາສອບເສັງຄື: ພາສາລາວ-ວັນນະຄະດີ, ສຶກສາພົນລະເມືອງ, ວິທະຍາສາດທຳມະຊາດ, ວິທະຍາສາດສັງຄົມ, ຄະນະນິດສາດ ແລະ ພາສາອັງກິດ ແບ່ງອອກເປັນ 6ຫ້ອງສອບເສັງ, ມີຄະນະກຳມະການເຝົ້າຫ້ອງ 12ຄົນ, ຍິງ6ຄົນ. ເພື່ອເຮັດໃຫ້ການສອບເສັງໃນຄັ້ງນີ້ດໍຳເນີນໄປດ້ວຍຄວາມເປັນລະບຽບຮຽບຮ້ອຍ ແລະ ມີຄວາມຍຸຕິທໍຳນັ້ນທ່ານ ຮອງເຈົ້າເມືອງກໍ່ໄດ້ຮຽກຮ້ອງໃຫ້ບັນດາຄູອາຈານ ແລະ ນ້ອງນັກຮຽນເອົາໃຈໃສ່ປະຕິບັດພາລະບົດບາດສິດ ໜ້າທີ່ຂອງຕົນຢ່າງເຕັມສ່ວນ ແນໃສ່ເຮັດໃຫ້ສູນສອບເສັງຂອງເມືອງທົ່ງມີໄຊມີຄວາມສະຫງົບ, ມີຄວາມປອດໄພ, ຮັບປະກັນປົກປັກຮັກສາໃຫ້ເອກະສານທີ່ສຳຄັນ ທັງຮັບປະກັນໃຫ້ພິທີການເປີດຫົວຂໍ້ສອບແຕ່ລະມື້, ແຕ່ລະວິຊາບັນລຸຕາມເປົ້າໝາຍທີ່ພວກເຮົາເຄີຍໄດ້ຈັດຕັ້ງປະຕິບັດກັນມາໃນແຕ່ລະປີ.
ການສອບເສັງຈະດໍາເນີນໄປເປັນເວລາ 3ວັນຈື່ງຈະສຳເລັດ

ໜັງສືພິມ & ວາລະສານ