ກອງປະຊຸຸມຄູພັກສີ້ນປີຮຽນ ສົກ 2017-2018 ທົ່ວເມືອງທົ່ງມີໄຊ

IMG 3312IMG 3330images new
ກອງປະຊຸມຄູພັກສີ້ນປີຮຽນ ສົກຮຽນ 2017-2018 ທົ່ວເມືອງທົ່ງມີໄຊ ໄດ້ໄຂຂຶ້ນຢ່າງເປັນທາງການ ເວລາ 8 ໂມງ 00 ນາທີ ຂອງວັນທີ 16 ສິງຫາ 2018 ທີ່ໂຮງຮຽນມັດທະຍົມສຶກສາສົມບູນທົ່ງມີໄຊ ໂດຍການເປັນປະທານຂອງ ທ່ານ ໜອມ ວົງທະວີ ຮອງຫົວໜ້າຫ້ອງການສຶກສາທິການ ແລະ ກິລາເມືອງ. ໃຫ້ກຽດເຂົ້າຮ່ວມຂອງ ທ່ານ ບຸນຫຼາຍ ລັດຖະຫວັນ ຮອງເລຂາພັກເມືອງ ປະທານກວດກາພັກ-ລັດເມືອງ ຜູ້ຊີ້ນຳວຽກງານອົງການຈັດຕັ້ງມະຫາຊົນ, ທ່ານ ອ່ອນຕາ ພົມມະຈິດ ຮອງຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ. ກອງປະຊຸມຄັ້ງນີ້ ມີແຂກຜູ້ແທນເຂົ້າຮ່ວມທັງໝົດ 122 ທ່ານ ຍິງ 56 ທ່ານ ເຊິ່ງປະກອບດ້ວຍ ພຣະສົງ 1 ອົງ, ຫົວໜ້າຂະແໜງສະຖິຕິ-ແຜນການ ແລະ ພົວພັນຕ່າງປະເທດຈາກພະແນກສຶກສາແຂວງ, ຄະນະຫ້ອງການສຶກສາເມືອງ, ຫົວໜ້າ-ຮອງຫົວໜ້າໜ່ວຍງານ, ຄະນະອໍານວຍການໂຮງຮຽນອະນຸບານ, ປະຖົມ, ມັດທະຍົມພ້ອມດ້ວຍພະນັກງານບໍລິຫານຈາກຫ້ອງການສຶກສາທິການ ແລະ ກິລາເມືອງ ແລະ ຄູ-ອາຈານວິຊາການໂຮງຮຽນແຕ່ລະແຫ່ງໃນທົ່ວເມືອງ.
ຈຸດປະສົງຂອງກອງປະຊຸມກໍ່ເພື່ອເປັນການສະຫຼຸບຕີລາຄາການຈັດຕັ້ງປະຕິບັດວຽກງານຜ່ານມາ, ຍົກໃຫ້ເຫັນດ້ານດີ, ອ່ອນ, ຂໍ້ຄົງຄ້າງ ແລະ ພ້ອມກັນວາງທິດທາງແກ້ໄຂ, ຄົ້ນຄວ້າຜົນການວິເຄາະ-ວິໄຈບັນດາຕົວເລກຄາດໝາຍຕ່າງໆ ເພື່ອເປັນບ່ອນອີງພື້ນຖານໃຫ້ແກ່ການວາງແຜນພັດທະນາການສຶກສາ ແລະ ກິລາໃນປີ 2019 ແນໃສ່ບັນລຸບັນດາຄາດໝາຍໃນແຜນພັດທະນາການສຶກສາ ແລະ ກິລາ 5 ປີ ຄັ້ງທີ VIII ( 2016-2020 ), ເປົ້າໝາຍການພັດທະນາແບບຍືນຍົງ ແລະ ຄາດໝາຍຂອງສະພາປະຊາຊົນແຂວງ ແລະ ສະພາແຫ່ງຊາດແຕ່ນີ້ຫາປີ 2020 ແລະ ເພື່ອແນໃສ່ປັບປຸງຍົກສູງຄຸນນະພາບວຽກງານການສຶກສາ ແລະ ກິລາ ໃຫ້ມີປະສິດທິຜົນສູງຂື້ນເທື່ອລະກ້າວ. ກອງປະຊຸມໄດ້ດໍາເນີນຕາມວາລະທີ່ທ່ານປະທານໄດ້ມີຄຳເຫັນຊີ້ນຳ ແລະ ກ່າວເປີດກອງປະຊຸມຢ່າງເປັນທາງການແລ້ວ, ກອງປະຊຸມໄດ້ຮັບຟັງການສະເໜີເນື້ອໃນເອກະສານຕ່າງໆ, ໃຫ້ຄຳຖາມເຈາະຈີ້ມແບບເປັນກຸ່ມຈາກທ່ານປະທານ ເພື່ອໃຫ້ຜູ້ແທນໄດ້ມີສ່ວນຮ່ວມຄົ້ນຄວ້າ ແລະ ໄດ້ຂື້ນປະກອບຄຳຄິດຄຳເຫັນລາຍງານຕາມຫົວຂໍ້ຄໍາຖາມ ເຮັດໃຫ້ກອງປະຊຸມເຕັມໄປດ້ວຍເນື້ອໃນໝັກແໜ້ນ ແລະ ດໍາເນີນເປັນເວລາ 2 ວັນຈຶ່ງໄດ້ອັດລົງຢ່າງຈົບງາມ.
IMG 3334
IMG 3338

ກອງປະຊຸມຜູ່ບໍລິຫານການສຶກສາ ແລະ ກິລາ ທົ່ວເມືອງທົ່ງມີໄຊ ປະຈໍາປີ 2018

2211
images new
ຫ້ອງການສຶກສາທິການ ແລະ ກິລາເມືອງທົ່ງມີໄຊ ໄດ້ເປີດກອງປະຊຸມຜູ່ບໍລິຫານການສຶກສາ
ແລະ ກິລາ ທົ່ວເມືອງ ທົ່ງມີໄຊປະຈໍາປີ 2018 ຂຶ້ນຢ່າງເປັນທາງການ ເວລາ 8 ໂມງ 00 ນາທີ
ຂອງວັນທີ 4 ມິຖຸນາ2018 ທີ່ສະໂມສອນຂອງເມືອງ ໂດຍເປັນປະທານຂອງ ທ່ານ ທອງລ່ຽນ
ແກ້ວມະນີ ກຳມະການພັກເມືອງ ຫົວໜ້າຫ້ອງການ ສຶກສາທິການ ແລະ ກິລາເມືອງ.
ກອງປະຊຸມໄດ້ເປັນກຽດຢ່າງສູງຕ້ອນຮັບທ່ານ ສາຍສະໝອນ ພົມມະຂັນ ຮອງເລ ຂາຄະນະ
ບໍລິຫານງານພັກເມືອງ ຮອງເຈົ້າເມືອງໆ ທົ່ງມີໄຊ, ກອງປະຊຸມຄັ້ງນີ້ ມີແຂກຜູ້ແທນເຂົ້າຮ່ວມ
ທັງໝົດ 110 ທ່ານ ຍິງ 46 ທ່ານ ເຊິ່ງປະກອບດ້ວຍ ຄະນະປະຈຳພັກເມືອງ, ກໍາມະການພັກ
ເມືອງ, ສະມາຊິກສະພາປະຊາຊົນແຂວງ, ຫົວໜ້າ-ຮອງຫົວໜ້າຫ້ອງການ, ອົງການ, ກົມ
ກອງ, ນາຍບ້ານ, ຄະນະພັດທະນາສຶກສາຂັ້ນບ້ານ, ຫົວໜ້າ-ຮອງຫົວໜ້າໜ່ວຍງານ, ຄະນະ
ອໍານວຍການໂຮງຮຽນອະນຸບານ, ປະຖົມ, ມັດທະຍົມສຶກສາພ້ອມດ້ວຍ - ອາຈານວິຊາການ
ທີ່ມາຈາກໂຮງຮຽນແຕ່ລະແຫ່ງໃນທົ່ວເມືອງ. ກອງປະຊຸມແມ່ນໄດ້ດຳເນີນມາເປັນ 1 ວັນເຄິ່ງ
ຈຶ່ງສຳເລັດລົງຢ່າງຈົບງາມ.

33111

                                                               ໂດຍ: ທ້າວ ບຸນວິໄລ ພົງສະຫວັດ.
                                                                      020 54683111.

ໜັງສືພິມ & ວາລະສານ