ມສ ຊົນເຜົ່າ ສະຫຼຸບວຽກງານພັດທະນາການສຶກສາ-ກິລາພາກຮຽນທີ 1 ແລະ ແຜນພັດທະນາການສຶກສາ-ກິລາໃນພາກຮຽນທີ 2

     ໃນ​ວັນ​ທີ 11 ກັນຍາ ຜ່ານ​ມາ ​ທີ່​ສະ​ໂມ​ສອນ​ຂອງ​ໂຮງຮຽນ ​ສາ​ມັນ​ກິນນອນ ​ຊົນ​ເຜົ່າ ແລະ ພອນ​ສະ​ຫວັນ
  ​ໄດ້​ມີ​ພິທີ​ສະຫຼຸບ​ວຽກ​ງານ ​ພັດ​ທະ​ນາ​ການ​ສຶກ​ສາ ແລະກິ​ລາ​ພາກ​ຮຽນ​ທີ 1 ແລະ ແຜນ​ພັດ​ທະ​ນາ​ການ​ສຶກ​ສາ
  ແລະ  ກິ​ລາ ພາກ​ຮຽນ​ທີ  2  ​ສົກຮຽນ​ໃໝ່  2017 - 2018 ​ໂດຍ​ໃຫ້​ກຽດ​ເປັນ​ປະທານ​ຂອງ   ທ່ານ ຄູນ​ຄຳ
  ຣາ​ຊະ​ພົນ ຮອງ​ຫົວໜ້າ​ພະ​ແນ​ກສຶກສາ​ທິການ  ​ແລະ  ກິລາ​ແຂວງສະຫວັນ​ນະ​ເຂດ, ມີ​ບັນດາ​ທ່ານ​ປະທານ
​  ພັດທະນາ​ການ​ສຶກສາ​ຂັ້ນ​ບ້ານ,  ປະທານ​ສະມາຄົມ​ພໍ່​ແມ່​ນັກຮຽນ,  ຜູ້ອຳນວຍການ​ໂຮງຮຽນ​ອ້ອມ​ຂ້າງ ຕະ
  ຫຼອດ​ຮອດ​ຄູ-ອາຈານ ​ແລະ ນ້ອງ​ນັກຮຽນ​ເຂົ້າ​ຮ່ວມຢ່າງ​ພ້ອມພຽງ. 

​     ໂອກາດ​ນີ້ ທ່ານ ທ່ານ ສົມ​ລິດ ອຸ່ນ​ທະ​ວີ ຜູ້ອຳນວຍ​ການ​ໂຮງຮຽນ​ສາ​ມັນ​ກິ​ນອນ​ຊົນ​ເຜົ່າ ແລະ​ພອນ​ສະ​ຫວັນ ​ໄດ້​ຜ່ານ​ບົດ​ສະຫຼຸບ​ການຈັດ​ຕັ້ງ​ປະຕິບັດ​ວຽກ​ພັດ​ທະ​ນາ​ການ​ສຶກ​ສາ-ກິ​ລາ ປະ​ຈຳ​ພາກ​ຮຽນ​ທີ 1 ​ແລະ ຜ່ານ​ແຜນ​ວຽກ​ງານ​ການ​ສຶກສາ​ໃນ​ພາກ​ຮຽນ​ທີ 2 ໃຫ້​ຮູ້​ວ່າ: ​ເພື່ອສື​ບຕໍ່​ແຜນ​ພັດທະນາ​ການ​ສຶກສາ​ປະຈຳ​ສົກຮຽນ 2017-2018 ຂອງ​ພະ​ແນ​ກສຶກສາ​ທິການ ​ແລະ ກິລາ​ແຂວງ​ ກໍ່​ຄື​ຂອງ​ໂຮງຮຽນວາງ​ອອກ, ສືບ​ຕໍ່​ສ້າງ​ຊັບພະຍາກອນ​ມະນຸດ​ໃຫ້​ມີ​ຄວາມ​ຮູ້​ຄວາມ​ສາມາດ ​ແລະ ຄຸນສົມບັດ​ສິນ​ທຳ​ປະຕິວັດ​ທີ່​ພຽບພ້ອມ​ດ້ວຍ​ຄວາມ​ອົດທົນ ​ແລະ ມີ​ນ້ຳ​ໃຈ​ເສຍສະຫຼະ​ ຖື​ເອົາ​ວຽກ​ງານ​ການ​ສຶກ​ສາ​ອົບ​ຮົມ​ການ​ເມືອງ-ແນວ​ຄິດ​ເປັນ​ກົກ ໂດຍ​ແຊກ​ໃນ​ທຸກ​ກິດ​ຈະ​ກຳ​ເຊັ່ນ: ແຊກ​ຊ້ອນ​ເຂົ້າ​ໃນ​ການ​ຮຽນ-ການ​ສອນ, ຈັດ​ຕັ້ງ​ປາ​ຖະ​ກະ​ຖາ​ໃນ​ວັນ​ສຳ​ຄັນ​ຕ່າງໆ​ຂອງ​ຊາດ

     ທ່ານ​ຜູ້ອຳນວຍການ​ກ່າວ​ອີກ​ວ່າ: ສຳລັບ​ແຜນ​ກິດຈະກຳ ​ແມ່ນ​ສືບ​ຕໍ່​ນຳພາ​ນັກຮຽນ​ເຄື່ອນ​ໄຫວ​ຕາມ​ແຜນ​ຂອງ​ຂັ້ນ​ເທິງ ​ແລະ ​ແຜນ​ຂອງ​ໂຮງຮຽນ​ວາງ​ອອກ​ເຊັ່ນ: ຈັດ​ແຂ່ງ​ຂັນ​ກິ​ລາ, ປະ​ກວດ​ສິ​ລະ​ປະ​ວັນ​ນະ​ຄະ​ດີ ແລະ ອື່ນໆ ​ເພື່ອ​ໃຫ້​ບັນລຸ​ຕາມ​ເປົ້າ​ໝາຍ ​ແລະ ​ໄດ້​ຮັບ​ຜົນ​ດີ​ເປັນ​ຕົ້າ​ແມ່ນ ການ​ຮຽນ-​ການ​ສອນ ​ໃຫ້​ໄດ້​ຮັບ​ໝາກຜົນ ພ້ອມ​ທັງ​ຍົກ​ລະດັບ​ຄຸນະພາບ​ການ​ສຶກສາ ​ໃຫ້​ສູງ​ຂຶ້ນ​ຕາມ​ຄາດໝາຍ ການ​ສອບ​ເສັງ​ເລື່ອນ​ຂັ້ນ-ເລື່ອນ​ຊັ້ນ ມ1-​ມ7 ​ໃຫ້​ໄດ້ຕາມ​ເປົ້າ​ໝາຍ 95 ​ເປີ​ເຊັນ, ພ້ອມ​ນັ້ນ​ຍັງ​ສົ່ງ​ເສີມ​ໃຫ້​ລູກ​ຫຼານ​ນັກຮຽນ​ສະ​ແດງ​ອອກ​ບົດບາດ, ຄວາ​ມສາມາດ ​ແລະ ພອນ​ສະຫວັນ ​ເພື່ອ​ສ້າງ​ຂະ​ບວນການ​ທີ່​ເຂັ້ມ​ແຂງ ​ໃຫ້​ເປັນ​ທີ່​ຍອມຮັບ​ຂອງ​ສັງຄົມ ​ແລະ ​ໄດ້​ຮັບ​ໃບ​ຍ້ອງຍໍ​ຈາກ​ການ​ນຳ, ​ເພື່ອ​ຍົກ​ຄຸນະພາບ​ຂອງ​ໂຮງຮຽນ​ໃຫ້​ສູງ​ຂຶ້ນ​ກາຍ​ເປັນ​ໂຮງຮຽນ​ຕົວ​ແບບ​ໃນ​ອະນາຄົດ.

     ຄຽງ​ຄູ່​ກັນ​ນັ້ນ, ກໍ່​ສືບ​ຕໍ່​ເຄື່ອນ​ໄຫວ​ກິດຈະກຳ​ສ້າງ​ນັກຮຽນ​ເກັ່ງ, ​ແນ່​ໃສ່​ສົ່ງ​ເສີມ​ນັກຮຽນ​ເກັ່ງ​ຊັ້ນມັດທະຍົມສຶກສາ​ຕອນ​ຕົ້ນ ມ4 ​ແລ​ະ ຊັ້ນມັດທະຍົມ​ສຶກສາຕອນ​ປາຍ ມ7 ໃຫ້​ກາຍ​ເປັນ​ນັກຮຽນ​ເກັ່ງ​ຂອງ​ໂຮງຮຽນ ​​ເຂົ້າ​ຮ່ວມ​ສອບ​ເສັງ​ນັກຮຽນ​ເກັ່ງ ​ໃນ​​ແຕ່ລະ​ຂັ້ນ​ຕາມ​ລຳດັບ.

ໂດຍ: ພູວອນ ດຳລົງບຸນ