ຄົນຫາ

ສະຖິຕີຜູ້ເຂົ້າສົມ

028467
ມືນີ
ມືວານນີ
ອາທິດນີ
ອາທິດແລ້ວນີ
ເດືອນນີ
ເດືອນແລ້ວນີ
ທັງໝົດ
20
69
305
27839
628
2716
28467

Your IP: 3.95.131.208
2019-12-12 06:00

Facebook

Untitled

ເຊືອມຕໍ່ພາຍນອກ

 ກະຊວງສຶກສາທິການ ແລະ ກິລາ
1. ພະແນກສຶກສາທິການ ແລະ ກິລາແຂວງ
2. ສູນໄອຊີທີ ພະແນກສຶກສາແຂວງ

ລິ້ງເວບໄຊຂອງພະແນກ

ລິ້ງເວບໄຊຂອງສູນໄອຊີທີ

ພິທີສອບເສັງນັກຮຽນເກັ່ງ ຊັ້ນປ5 ຂັ້ນເມືອງ

ຂ່າວພິທີເປີດສອບເສັງນັກຮຽນເກັ່ງ ປ5 ຂັ້ນເມືອງ

P51

         ໃນ​ຕອນ​ເຊົ້າ​ຂອງວັນ​ທີ 26 ກຸມ​ພາ 2019 ນີ້ ຫ້ອງ​ການ​ສຶກ​ສາ​ທິ​ການ ແລະ ກິ​ລາ​ເມືອງ​ບຸນ​ໃຕ້ ໄດ້​ຈັດ ພິທີສອບເສັງນັກຮຽນເກັ່ງ ປ5 ຂັ້ນເມືອງ ຂອງ​ສົກ​ຮຽນ 2018-2019 ຂຶ້ນ​ຢ່າງ​ເປັນ​ທາງ​ການ ນະ​ທີ່​ ໂຮງຮຽນ ມ ສ ບຸນໃຕ້. ​ເມືອງ​ບຸນ​ໃຕ້ ໂດຍ​ການ​ເປັນ​ປະ​ທານ​ຂອງ​ທ່ານ ນ. ແກ້ວ ມະນີພັນ ຮອງຫົວ​ໜ້າ​ຫ້ອງ​ການ​ສຶກ​ສາ​ທິ​ການ ແລະ ກິ​ລາ​ເມືອງ​ບຸນ​ໃຕ້, ມີ​ບັນ​ດາ​ທ່ານ ຄະ​ນະ​ຮັບຜິດຊອບຫ້ອງການສຶກ​ສາ​ເມືອງ, ແລະ ຫົວ​ໜ້າ​ໝວດ​, ຫົວໜ້າໂຮງ​ຮຽນ​​ປະຖົມເຂົ້າ​ຮ່ວມ ຈຳ​ນວນ  15. ທ່ານ, ຍິງ 4 ທ່ານ.  ນອກນີ້ຍັງມີນ້ອງນັກຮຽນເກັ່ງຕົວແທນຈາກແຕ່ລະໂຮງຮຽນຈຳນວນ 25 ນ້ອງ, ຍີງ 16 ນ້ອງ.

ວິຊາສອບເສັງລວມມີ 3 ວິຊາຄື: ວິຊາພາສາລາວ, ວິຊາຄະນິດສາດ ແລະ ວິຊາໂລກອ້ອມຕົວ.

        ໃນພິທີດັ່ງກ່າວທ່ານສົມຕູ້ຍ ແສງອາລຸນຮອງ ໜ່ວຍງານສາມັນຫ້ອງການສຶກສາທິການແລະກິາເມືອງໄດ້ຂຶ້ນສະເໜີຈຸດປະສົງພ້ອມທັງຜ່ານມະຕິຕົກລົງຂອງທ່ານຫົວໜ້າຫ້ອງການສຶກສາເມືອງວ່າດ້ວຍການອະນຸມັດ​​ດຳເນີນພິທີສອບເສັງນັກຮຽນເກັ່ງ ປ5 ຂັ້ນເມືອງ ຂອງສົກຮຽນ 2018-2019 ພ້ອມທັງຜ່ານກົດລະບຽບຂອງນັກສອບເສັງ.

       ຈາກນັ້ນທ່ານ ນ. ແກ້ວ ມະນີພັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງບຸນ​ໃຕ້ ກໍ່​ໄດ້​ກ່າວ​ຕ້ອນ​ຮັບ​ຜູ້​ແທນມາຈາກແຕ່ລະໝວດ, ແຕ່ລະໂຮງຮຽນ ພ້ອມ​ທັງ​ຊີ້​ແນະ​ທິດ​ທາງໃນການຈັດຕັ້ງປະຕິບັດ​ການສອບເສັງນັກຮຽນເກັ່ງໃຫ້ໄດ້ຮັບ​ຄຸນ​ນະ​ພາບ ແລະ ບັນລຸຕາມຄາດໝາຍທີວາງໄວ້ ພ້ອມທັງກ່າວ​ເປີດ​ພິ​ທີສອບເສັງນັກຮຽນເກັ່ງ​ຢ່າງ​ເປັນ​ທາງ​ການ.

       ພາຍຫຼັງອານຸກຳມະການໄດ້ສັງລວມ ແລະ ຕັດສີນຜົນຂອງການສອບເສັງນັກຮຽນເກັ່ງ ໃນ 3 ວິຊາມີດັ່ງລຸ່ມນີ້:

P52

-     

+ ວິຊາ ພາສາລາວ

ປະ ປະເພດທີ I ນ້ອງນັກຮຽນ ນ. ພອນນາລີ        ມາຈາກໂຮງຮຽນ ບຸນໃຕ້.

-       ປະເພດທີ II ນ້ອງນັກຮຽນ ນ. ຄຳຟອງນະພາ   ມາຈາກໂຮງຮຽນ ເພຍສຸ.

-       ປະເພດທີ III ນ້ອງນັກຮຽນ ທ. ສັກ ຖະໜົມ   ມາຈາກໂຮງຮຽນ ໂນນບຸນກາງ.

+  ວິຊາ ຄະນິດສາດ

-       ປະເພດທີ I ນ້ອງນັກຮຽນ ທ. ບຸນມີ ກໍນະວົງ   ມາຈາກໂຮງຮຽນ ເພຍສຸ.

-       ປະເພດທີ II ນ້ອງນັກຮຽນ ທ. ນັດ              ມາຈາກໂຮງຮຽນ ລ້ອງນາຍເກົ່າ.

-       ປະເພດທີ III ນ້ອງນັກຮຽນ ທ. ສຸມາລີ          ມາຈາກໂຮງຮຽນ ໂພທອງ.

+ ວິຊາ ໂລກອ້ອມຕົວ

-       ປະເພດທີ I ນ້ອງນັກຮຽນ ນ. ພອນສະຫວັນ     ມາຈາກໂຮງຮຽນ ໂພທອງ.

-       ປະເພດທີ II ນ້ອງນັກຮຽນ ນ. ວັນຄຳ ສຸລິພອນ   ມາຈາກໂຮງຮຽນ ເພຍສຸ.

-       ປະເພດທີ III ນ້ອງນັກຮຽນ ນ. ແສງຍອດ         ມາຈາກໂຮງຮຽນ ບຸນໃຕ້.

        ໃນຕອນທ້າຍຂອງພິທີທ່ານ ນ. ແກ້ວ ມະນີພັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງບຸນ​ໃຕ້ໄດ້ມອບໃບຢັ້ງຍືນໃຫ້ແກ່ນ້ອງໆ ນັກຮຽນ ພ້ອມທັງມອບລາງວັນໃຫ້ຜູ້ທີໄດ້ປະເພດທີ Iໃນພິທີດັ່ງກ່າວທີ່ມີຄວາມໝາຍຄວາມສຳຄັນນັ້ນຍັງໄດ້ຮັບຟັງການໂອ້ລົມຂອງທ່ານ ນ. ແກ້ວ ມະນີພັນ ກ່ອນອື່ນເພີ່ນກໍ່ໄດ້ຍ້ອງຢໍຊົມເຊີຍຜົນສຳເລັດ ໂດຍສະເພາະແມ່ນຊົມເຊີຍຄະແນນ ວິຊາໂລກອ້ອມຕົວ ຈາກນັ້ນ ທ່ານຍັງໄດ້ເນັ້ນໃຫ້ຄູຜູ້ທີສອນຊັ້ນປໍ5ໃຫ້ເອົາໃຈໃສ່ເປັນພິເສດໃນການບຳລຸງສ້າງນັກຮຽນເກັ່ງ, ນັກຮຽນພອນສະຫວັນໃຫ້ຫຼາຍກວ່າເກົ່າ ແລະ ນຳເອົາແຜນສູ້ຊົນດັ່ງກ່າວນຳໄປຈັດຕັ້ງປະຕິບັດໃຫ້ໄດ້ຕາມລະດັບຄາດໝາຍທີວາງໄວ້ ເພື່ອໃຫ້ໄດ້ໄປສອບເສັງຂັ້ນແຂວງ ແລະ ຂັ້ນປະເທດຕໍ່ໄປ.

                                               ລາຍງານຂ່າວຈາກຫ້ອງການສຶກສາທິການ ແລະ ກິລາ ເມືອງບຸນໃຕ້