ກອງປະຊຸມໃຫຍ່ຂອງໜ່ວຍພັກຫ້ອງການສຶກສາທິການ ແລະ ກິລາເມືອງບຸນໃຕ້

Details

Category: ກອງປະຊຸມ

Published: Wednesday, 10 April 2019 03:27

Written by Super User

Hits: 171

ກອງປະຊຸມໃຫຍ່ຂອງໜ່ວຍພັກຫ້ອງການສຶກສາທິການ ແລະ ກິລາເມືອງບຸນໃຕ້

ໃນ​ຕອນ​ເຊົ້າ​ຂອງວັນ​ທີ 9 ເມສາ ( 4 ) 2019 ນີ້ ຫ້ອງ​ການ​ສຶກ​ສາ​ທິ​ການ ແລະ ກິ​ລາ​ເມືອງ​ ບຸນ​ໃຕ້ ໄດ້​ຈັດໃຫ້ມີພິທີເປີດກອງປະຊຸມໃຫຍ່ຄັ້ງທີ IX ຂອງໜ່ວຍພັກຫ້ອງການສຶກສາທິການ ແລະ ກິລາເມືອງ ໂດຍພາຍໃຕ້​ການ​ເປັນ​ປະ​ທານ​ຂອງ​ທ່ານ ຂວັນໃຈ ບຸນປະເສີດ ກຳມະການພັກແຂວງ, ເລຂາພັກເມືອງເຈົ້າເມືອງ, ເມືອງ​ບຸນ​ໃຕ້. ມີສະມາຊີກພັກສົມບູນເຂົ້າຮ່ວມທັງໝົດ 31 ຄົນ, ຍິງ 11 ຄົນ.  ເພື່ອເຮັດໃຫ້ກອງປະຊຸມເຕັມໄປດ້ວຍຄວາມໝາຍຄວາມສຳຄັນ ແລະ ດຳເນີນໄປດ້ວຍບັນຍາກາດຟົດຟືນ ທ່ານອຸ່ນແປງ ທຳມະໂນໄຊ ເລຂາໜ່ວຍພັກ ຫ້ອງການສຳສຶກສາທິການ ແລະ ກິລາເມືອງ ເປັນກຽດກ່າວຕ້ອນຮັບອັນອົບອຸ່ນມາຍັງທ່ານ ຂ້ວນໃຈ ບຸນປະເສີດ ກຳມະການພັກແຂວງ, ເລຂາພັກເມືອງເຈົ້າເມືອງ, ເມືອງ​ບຸນ​ໃຕ້ ແລະແຂກຜູ້ແທນຈາກແຕ່ລະພາກສ່ວນ ພ້ອມທັງກ່າວເປີດກອງປະຊຸມໃຫຍ່ຄັ້ງທີ IX ຂອງໜ່ວຍພັກຫ້ອງການສຶກສາຢ່າງເປັນທາງການ.

        ໃນ​ພິທີດັ່ງກ່າວ​ທ່ານນ. ແກ້ວ ມະນີພັນຮອງ ​ໜົວໜ້າຫ້ອງ​ການ​ສຶກ​ສາ​ທິ​ການແລະກິ​ລ​າເມືອງໄດ້​ຂຶ້ນ​ສະ​ເໜີ​ຈຸດ​ປະ​ສົງພ້ອມ​ທັງ​ຜ່ານ​ຂໍ້​ຕົກ​ລົງ​ຂອງ​ທ່ານ​ ເຈົ້າ​ເມືອງວ່າ​ດ້ວຍ​ການ​ອະ​ນຸ​ມັດ​​ດຳ​ເນີນພິທີເປີດກອງປະຊຸມໃຫຍ່ຄັ້ງທີ IX ຂອງໜ່ວຍພັກຫ້ອງການສຶກສາທິການ ແລະ ກິລາເມືອງ.

ກອງປະຊຸມໃຫຍ່ຂອງໜ່ວຍພັກໄດ້ເປັນເອກະພາບກັນຮັບຮອງເອົາບັນດາເນື້ອໃນທີສຳຄັນດັ່ງນີ້:

1. ໄດ້ພ້ອມກັນຮັບຟັງບົດລາຍງານການເມືອງ 2 ພາກ ແລະ ຄົ້ນຄ້ວາປະກອບຄຳຄິດ ຄຳເຫັນຢ່າງເລີກເຊີ່ງ ເປັນເອກະພາບກັນຮັບຮອງເອົາບົດລາຍງານການເມືອງ 2 ພາກຂອງຄະນະໜ່ວຍພັກຊຸດເກົ່າເຊີ່ງສະເໜີໂດຍທ່ານອຸ່ນແປງ ທຳມະໂນໂຊເລຂາໜ່ວຍພັກຫ້ອງການສຶກສາ.
2. ໄດ້ຮັບຟັງບົດສຳຫຼວດການນຳພາເຄື່ອນໄຫວລວມຂອງຄະນະໜ່ວຍພັກຊຸດເກົ່າ, ໃນນັ້ນຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ບົດຮຽນໃນການຊີ້ນຳ - ນໍາພາ ແລະ ການຈັດຕັ້ງປະຕິບັດຕະຫຼອດໄລຍະສາມປີທີ່ຜ່ານມາ.
3. ກອງປະຊຸມໃຫຍ່ຄັ້ງທີ IX ຂອງໜ່ວຍພັກຫ້ອງການສຶກສາທິການ, ໄດ້ພ້ອມກັນໃຊ້ສິດປ້ອນບັດເລືອກຕັ້ງເອົາຄະນະໜ່ວຍພັກຊຸດໃໝ່ບົນພື້ນຖານຫຼັກການລວມສູນປະຊາທິປະໄຕທັງຖືກຕ້ອງສອດຄ່ອງກັບມາດຖານເງື່ອນໄຂທີກຳນົດໄວ້ເຊີ່ງມີຜູ້ອອກຮັບສະມັກເລືອກຕັ້ງ 5 ສະຫາຍ, ຍີງ 2 ສະຫາຍ ກອງປະຊຸມຄັ້ງປະຖົມມະລຶກຂອງຄະນະພັກຊຸດໃໝ່ໄດ້ເປັນເອກະພາບຮັບຮອງເອົາຄະນະພັກຊຸດໃໝ່ຄື:
   1. ເລືອກເອົາສະຫາຍ  ອຸ່ນແປງ ທໍາມະໂນໄຊ                ເປັນເລຂາໜ່ວຍພັກ
   2. ເລືອກເອົາສະຫາຍ  ນ. ແກ້ວມະນີ້ພັນ                     ເປັນຮອງເລຂາ
   3. ເລືອກເອົາສະຫາຍ  ຊຽງພອນ ບຸນທະວົງ                  ເປັນຄະນະ
   4. ກອງປະຊຸມຍັງໄດ້ຮັບຟັງການໂອ້ລົມຂອງທ່ານ ຂ້ວນໃຈ ບຸນປະເສີດ ກໍາມະການພັກແຂວງ, ເລຂາພັກເມືອງເຈົ້າເມືອງ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳ ນຳພາຂອງຄະນະພັກຊຸດເກົ່າ ທີໄດ້ຊີ້ນຳ ນຳພາພະນັກງານ, ສະມາຊີກພັກປະຕິບັດໜ້າທີການເມືອງຂອງຕົນຍາດໄດ້ ຜົນສຳເລັດຫຼາຍດ້ານ, ພ້ອມກັນນັ້ນຍັງໄດ້ສະແດງຄວາມເປັນຫ່ວງເປັນໃຍຕໍ່ດ້ານອ່ອນ, ຂໍ້ຄົງຄ້າງເຊີ່ງໄດ້ຮຽກຮ້ອງໃຫ້ຄະນະພັກຊຸດໃໝ່ຈະຕ້ອງໄດ້ສືບຕໍ່ປັບປຸງ, ແກ້ໄຂໃນການຊີ້ນຳ ນຳພາບາງບັນຫາດັ່ງນີ້
      1. ຄະນະໜ່ວຍພັກຕ້ອງເອົາໃຈໃສ່ສຶກສາອົບຮົມການເມືອງແນວຄິດໃຫ້ສະມາຊີກພັກມີຄວາມເຊື່ອໝັ້ນຕໍ່ການນຳພາຂອງພັກ, ເຕົ້າໂຮມຄວາມສາມັກຄີເປັນປຶກແຜນ, ພ້ອມກັນພັດທະນາໜ່ວຍພັກໃນດ້ານເສດຖະກິດຄອບຄົວໃຫ້ດີຂື້ນເລື້ອຍໆ.
      2. ສືບຕໍ່ປັບປຸງລະບົບແບບແຜນວິທີເຮັດວຽກຂອງຄະນະໜ່ວຍພັກ, ສະມາຊີກພັກໃຫ້ປະຕິບັດຕາມຫຼັກການລວມສູນປະຊາທິປະໄຕນຳພາເປັນໝູ່ຄະນະ ແລະ ແບ່ງວຽກໃຫ້ບຸກຄົນຮັບຜິບຊອບຈະແຈ້ງ, ເຮັດວຽກຕ້ອງມີການກວດກາ, ຕີລາຄາ ແລະ ປະເມີນ ພ້ອມທັງປະຕິບັດລະບົບການສ່ອງແສງລາຍງານໃຫ້ຂັ້ນເທີ່ງໃນແຕ່ລະໄລຍະຢ່າງທັນການ ຖ້າມີບັນຫາຕ່າງໆກໍ່ຕ້ອງຂໍຄຳເຫັນຈາກຄະນະພັກຂັ້ນເທີ່ງ.
      3. ສືບຕໍ່ປັບປຸງກໍ່ສ້າງ ແລະ ຂະຫຍາຍສະມາຊີກພັກໃຫ້ຕໍ່ເນື່ອງໂດຍສ້າງເງື່ອນໄຂໃຫ້ມີພະນັກງານສະມາຊີກພັກແຕ່ລະລຸ້ນຢ່າງສອດຄ່ອງ ແລະ ເໝາະສົມ.
      4. ສືບຕໍ່ນໍາພາ ແລະ ຊຸກຍູ້ຂະບວນການຜະລິດເປັນສີ້ນຄ້າຂອງຖັນແຖວພະນັກງານ, ຄູ-ອາຈານໃນຄວາມຮັບຜີດຊອບຂອງໜ່ວຍພັກ ແລະ ສູ້ຊົນແກ້ໄຂຄວາມທຸກຍາກຂອງຄອບຄົວໂດຍການປະຕິບັດມະຕິຄຳສັ່ງຂອງຂັ້ນເທີ່ງໃຫ້ປະກົດຜົນເປັນຈີງ.
         1. ນໍາພາການກໍ່ສ້າງໜ່ວຍພັກໃຫ້ມີຄວາມປອດໃສ, ເຂັ້ມແຂງ ແລະ ໜັກແໜ້ນໂດຍຕິດພັນກັບການເຊີດຊູບົດບາດຂອງອົງການປົກຄອງໃຫ້ໜັກແໜ້ນກ່ວາເກົ່າ.                                                                                                                                        ໃນຕອນທ້າຍຂອງກອງປະຊຸມເລຂາໜ່ວຍພັກຊຸດໃໝ່ກໍ່ໄດ້ຂື້ນຮັບຄໍາໂອວາດພ້ອມແລ້ວທີຈະນໍາເອົາເນື້ອໃນຈິດໃຈອັນທີມີຄວາມໝາຍ, ຄວາມສຳຄັນດັ່ງກ່າວຊີ້ນຳ ນຳພາພະນັກງານສະມາຊີກພັກໃນຂົງເຂດຄວາມຮັບຜິດຊອບຂອງຕົນປະຕິບັດໜ້າທີວຽກງານຢ່າງຕັ້ງໜ້າ ເຮັດໃຫ້ພັກມີຄວາມປອດໃສ ແລະ ເຂັ້ມແຂງ.                                                                                                                                                                                                                                                                                                                    ຂ່າວຈາກຫ້ອງການສຶກສາທິການແລະກິລາເມືອງ

ກອງປະຊຸມການຝຶກອົບຮົມກາຽວກັບເວບໄຊ

Details

Category: ກອງປະຊຸມ

Published: Tuesday, 18 December 2018 03:49

Written by Super User

Hits: 267

      ໃນຕອນເຊົ້າຂອງມື້ວັນທີ 17/ທັນວາ 2018 ສູນເຕັກໂນໂລຊີຂ່າວສານການສື່ສານ ການສຶກສາ ແລະກິລາ ຈັດກອງປະຊຸມຝຶກອົົບຮົມການສ້າງ      ຂິດຄວາມສາມາດໃນການຄຸ້ມຄອງ ແລະ ພັດທະນາຖານຂໍ້ມູນ (ເວບໄຊ )ຂອງຂະແໜງການສຶກສາໃຫ້ແກ່ວິຊາການສຶກສາເມືອງ ແລະ ໂຮງຮຽນ   ມ.ສ 7 ເມືອງຂອງແຂວງຜົ້ງສາລີຄັ້ງວັນທີ 17-18/ທັນວາ/2108.

Read more: ກອງປະຊຸມການຝຶກອົບຮົມກາຽວກັບເວບໄຊ

ຂ່າວກິລາ

Details

Category: ກິລາ

Published: Sunday, 31 March 2019 03:38

Written by Super User

Hits: 129

ໂຮງຮຽນປະຖົມສົມບູນບ້ານ ຫາດເສັດ ສຳເລັດການເປັນເຈົ້າພາບ ຈັດງານແຂ່ງຂັນກິລາ ແລະ ແລກປ່ຽນສິລະປະວັນນະຄະດີຢ່າງເປັນທາງການ

ເພື່ອເຮັດໃຫ້ການຮຽນ - ການສອນ ຕິດພັນກັບ 3 ລັກສະນະ, 5 ຫຼັກມູນຂອງການສຶກສາ ໃນວັນທີ 28 ມີນາ 2019 ທີ່ຜ່ານມານີ້ ຄູ-ອາຈານ ແລະ ອຳນາດການປົກຄອງບ້ານ ພ້ອມດ້ວຍພໍ່ແມ່ປະຊາຊົນບ້ານຫາດເສັດ ເມືອງບຸນໃຕ້ ແຂວງຜົ້ງສາລີ ໄດ້ຈັດພິທີແຂ່ງຂັນກິລາ ແລະ ແລກປ່ຽນສິລະປະວັນນະຄະດີຂຶ້ນຢ່າງເປັນທາງການ ນະທີ່ໂຮງຮຽນປະຖົມສົມບູນບ້ານຫາດເສັດ. ໃນພິທີດັ່ງກ່າວເປັນກຽດເຂົ້າຮ່ວມຂອງທ່ານ ນ ແກ້ວມະນີ ພັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງບຸນໃຕ້ ຜູ້ຊີ້ນຳວຽກງານພະລະ-ສິລະປະ ແລະ ອົງການຈັດຕັ້ງມະຫາຊົນ, ທ່ານ ບຸນເພັງ ເລຂານາຍບ້ານ ບ້ານຫາດເສັດ, ທ່ານ ບຸນຈັນ ໄຊຍະວົງ ຫົວໜ້າກຸ່ມເພຍສຸ, ມີບັນດາທ່ານຈາກຫ້ອງການສຶກສາທິການ ແລະ ກິລາເມືອງ ພ້ອມດ້ວຍອົງການຈັດຕັ້ງບ້ານ 3 ບ້ານ ແລະ ນ້ອງໆນັກຮຽນທີ່ມາຈາກ 3 ໂຮງຮຽນເຂົ້າຮ່ວມຢ່າງຄົບຂາໜາແໜ້ນ.
ໃນພິທີ ທ່ານ ນ ແກ້ວມະນີ ພັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງ ໄດ້ໂອລົມຕໍ່ພິທີດັ່ງກ່າວ ເຊິ່ງກ່ອນອື່ນທ່ານກໍໄດ້ສະແດງຄວາມຍ້ອງຍໍຊົມເຊີຍບັນດາທ່ານ ເລຂາຄະນະພັກຮາກຖານກຸ່ມ, ເລຂານາຍບ້ານ, ຫົວໜ້າໝວດ, ຫົວໜ້າໂຮງຮຽນ, ຄູອາຈານ ຕະຫຼອດຮອດພໍ່ແມ່ຜູ້ປົກຄອງເດັກ ແລະ ຫຼານນ້ອຍນັກຮຽນ ທີ່ໄດ້ທຸ້ມເທທຸກສະຕິປັນຍາ, ເຫື່ອແຮງ, ວັດຖຸເງິນຄຳ ສູ້ຊົນໃນການຮ້າງຫາກະກຽມທຸກເງື່ອນໄຂໃນການເຝິກແອບ ແລະ ຈັດໃຫ້ມີພິທີການແຂ່ງຂັນກິລາ ແລະ ແລກປ່ຽນສິລະປະວັນນະຄະດີຄັ້ງນີ້ຂຶ້ນໄດ້. ທ່ານຍັງໄດ້ກ່າວອີກວ່າ ເພື່ອເຮັດໃຫ້ການສຶກສາບັນລຸຕາມ 3 ລັກສະນະ, 5 ຫຼັກມູນຂອງການສຶກສາໃນໄລຍະທີ II ໃຫ້ປະກົດຜົນເປັນຈິງ ແລະ ສົ່ງເສີມການຮຽນຮູ້ຂອງເດັກໃຫ້ກ່າວໄປສູ່ລະດັດຕ່າງໆນັ້ນ ກໍ່ຕ້ອງຕິດພັນກັບການສົ່ງເສີມໃນການຫຼິ້ນກິລາ ແລະ ສິລະປະວັນນະຄະດີໄປພ້ອມໆກັນ ແນໃສ່ເຮັດໃຫ້ນັກຮຽນມີສຸຂະພາບທີ່ແຂງແຮງ ແລະ ມີຈິດໃຈທີ່ອ່ອນໂຍນ, ຊຸກຍູ້ສົ່ງເສີມໃຫ້ນັກຮຽນຫັນມາປະຕິບັດກິດຈະກຳກິລາ ແລະ ສິລະປະ ເພື່ອໃຫ້ເຂົາເຈົ້າຫ່າງໄກຈາກສິ່ງເສບຕິດ ພາຍໃຕ້ຄຳຂວັນທີ່ວ່າ “ເສຍເວລາ ແລະ ເສຍເຮື່ອໃຫ້ກິລາ ດີກວ່າເສຍສັບສິນ ແລະ ນ້ຳຕາໃຫ້ຢາເສບຕິດ” 
ໃນການແຂ່ງຂັນກິລາ ແລະ ແລກປ່ຽນສິລະປະວັນນະຄະນະຄັ້ງນີ້ ແມ່ນມີນັກກິລາທີ່ມາຈາກ 3 ໂຮງຮຽນຄື: ໂຮງຮຽນບ້ານຫາດງາມ, ໂຮງຮຽນບ້ານຈາແມ້ ແລະ ໂຮງຮຽນບ້ານຫາດເສັດ (ບ້ານເຈົ້າພາບ) ເຂົ້າຮ່ວມ, ເຊິ່ງໄດ້ຈັດການແຂ່ງຂັນກິລາ 3 ປະເພດ 5 ລາຍການຄື: ກິລາບານສົ່ງຊາຍ, ກິລາກະຕໍ່ຫວາຍ ຍິງ - ຊາຍ, ກິລາເປຕັງ ຍິງ - ຊາຍ ແລະ ປະກອບມີບົດຟ້ອນ 6 ລາຍການ, ບົດຂັບຮ້ອງທ້ອງຖິ່ນ 3 ລາຍການ. ຜົນການແຂ່ງຂັນກິລາ ແລະ ວັນນະຄະດີປະກົດວ່າ: ນັກກິລາຈາກໂຮງຮຽນບ້ານຫາດເສັດ ເຊິ່ງເປັນເຈົ້າພາບສາມາດຍາດຊິງເອົາລາງວັນຊະນະເລີດໄປທຸກປະເພດກິລາ, ນັກກິລາຈາກໂຮງຮຽນບ້ານຫາດງາມແມ່ນຍາດໄດ້ປະເພດທີ II ຂອງການແຂ່ງຂັນກິລາ ກະຕໍ້ຫວາຍຊາຍ ແລະ ກິລາ ບ້ານສົ່ງຊາຍ, ນັກກິລາຈາກໂຮງຮຽນບ້ານຈາແມ້ ແມ່ນຍາດໄດ້ປະເພດທີ II ຂອງການແຂ່ງຂັນກິລາ ກະຕໍ້ຫວາຍຍິງ ແລະ ກິລາ ເປຕັງຊາຍ ສ່ວນການແຂ່ງຂັນສິລະປະ-ວັນນະຄະດີ ແມ່ນໂຮງຮຽນບ້ານຫາດງາມໄດ້ປະເພດທີ I, ໂຮງຮຽນບ້ານ ຈາແມ້ໄດ້ປະເພດທີ II ແລະ ໂຮງຮຽນເຈົ້າພາບແມ່ນໄດ້ລາງວັນຊົມເຊີຍ. ໃນພິທີດັ່ງກ່າວຍັງໄດ້ຮັບຊົມການເຕັ້ນແອໂລບິດຂອງນັກຮຽນທີ່ມາຈາກໂຮງຮຽນ 3 ແຫ່ງອີກດ້ວຍ.
ພິທີການຈັດການແຂ່ງຂັນກິລາ ແລະ ແລກປ່ຽນສິລະປະວັນນະຄະດີ ທີ່ໂຮງຮຽນປະຖົມສົມບູນບ້ານຫາດເສັດເປັນເຈົ້າພາບ ໄດ້ດຳເນີນເປັນເວລາ 1 ວັນເຕັມ ດ້ວຍບັນຍາກາດອັນເບີກບານມ່ວນຊື່ນ ແລະ ສຳເລັດຕາມລະດັບຄາດໝາຍ.

ລາຍງານຂ່າວຈາກຫ້ອງການສຶກສາທິການ ແລະ ກິລາເມືອງບຸນໃຕ້

ພິທີສອບເສັງນັກຮຽນເກັ່ງ ຊັ້ນປ5 ຂັ້ນເມືອງ

Details

Category: ຜົນການສອບເສັງນ/ຮເກັ່ງຊັ້ນປ5

Published: Wednesday, 27 February 2019 09:10

Written by Super User

Hits: 186

ຂ່າວພິທີເປີດສອບເສັງນັກຮຽນເກັ່ງ ປ5 ຂັ້ນເມືອງ

         ໃນ​ຕອນ​ເຊົ້າ​ຂອງວັນ​ທີ 26 ກຸມ​ພາ 2019 ນີ້ ຫ້ອງ​ການ​ສຶກ​ສາ​ທິ​ການ ແລະ ກິ​ລາ​ເມືອງ​ບຸນ​ໃຕ້ ໄດ້​ຈັດ ພິທີສອບເສັງນັກຮຽນເກັ່ງ ປ5 ຂັ້ນເມືອງ ຂອງ​ສົກ​ຮຽນ 2018-2019 ຂຶ້ນ​ຢ່າງ​ເປັນ​ທາງ​ການ ນະ​ທີ່​ ໂຮງຮຽນ ມ ສ ບຸນໃຕ້. ​ເມືອງ​ບຸນ​ໃຕ້ ໂດຍ​ການ​ເປັນ​ປະ​ທານ​ຂອງ​ທ່ານ ນ. ແກ້ວ ມະນີພັນ ຮອງຫົວ​ໜ້າ​ຫ້ອງ​ການ​ສຶກ​ສາ​ທິ​ການ ແລະ ກິ​ລາ​ເມືອງ​ບຸນ​ໃຕ້, ມີ​ບັນ​ດາ​ທ່ານ ຄະ​ນະ​ຮັບຜິດຊອບຫ້ອງການສຶກ​ສາ​ເມືອງ, ແລະ ຫົວ​ໜ້າ​ໝວດ​, ຫົວໜ້າໂຮງ​ຮຽນ​​ປະຖົມເຂົ້າ​ຮ່ວມ ຈຳ​ນວນ  15. ທ່ານ, ຍິງ 4 ທ່ານ.  ນອກນີ້ຍັງມີນ້ອງນັກຮຽນເກັ່ງຕົວແທນຈາກແຕ່ລະໂຮງຮຽນຈຳນວນ 25 ນ້ອງ, ຍີງ 16 ນ້ອງ.

ວິຊາສອບເສັງລວມມີ 3 ວິຊາຄື: ວິຊາພາສາລາວ, ວິຊາຄະນິດສາດ ແລະ ວິຊາໂລກອ້ອມຕົວ.

        ໃນ​ພິທີດັ່ງກ່າວ​ທ່ານສົມຕູ້ຍ ແສງອາລຸນຮອງ ​ໜ່ວຍ​ງານ​ສາມັນຫ້ອງ​ການ​ສຶກ​ສາ​ທິ​ການແລະກິ​ລ​າເມືອງໄດ້​ຂຶ້ນ​ສະ​ເໜີ​ຈຸດ​ປະ​ສົງພ້ອມ​ທັງ​ຜ່ານ​ມະ​ຕິ​ຕົກ​ລົງ​ຂອງ​ທ່ານ​ຫົວ​ໜ້າ​ຫ້ອງ​ການ​ສຶກ​ສາ​ເມືອງວ່າ​ດ້ວຍ​ການ​ອະ​ນຸ​ມັດ​​ດຳ​ເນີນພິທີສອບເສັງນັກຮຽນເກັ່ງ ປ5 ຂັ້ນເມືອງ ຂອງສົກຮຽນ 2018-2019 ພ້ອມທັງຜ່ານກົດລະບຽບຂອງນັກສອບເສັງ.

       ຈາກນັ້ນທ່ານ ນ. ແກ້ວ ມະນີພັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງບຸນ​ໃຕ້ ກໍ່​ໄດ້​ກ່າວ​ຕ້ອນ​ຮັບ​ຜູ້​ແທນມາຈາກແຕ່ລະໝວດ, ແຕ່ລະໂຮງຮຽນ ພ້ອມ​ທັງ​ຊີ້​ແນະ​ທິດ​ທາງໃນການຈັດຕັ້ງປະຕິບັດ​ການສອບເສັງນັກຮຽນເກັ່ງໃຫ້ໄດ້ຮັບ​ຄຸນ​ນະ​ພາບ ແລະ ບັນລຸຕາມຄາດໝາຍທີວາງໄວ້ ພ້ອມທັງກ່າວ​ເປີດ​ພິ​ທີສອບເສັງນັກຮຽນເກັ່ງ​ຢ່າງ​ເປັນ​ທາງ​ການ.

       ພາຍຫຼັງອານຸກຳມະການໄດ້ສັງລວມ ແລະ ຕັດສີນຜົນຂອງການສອບເສັງນັກຮຽນເກັ່ງ ໃນ 3 ວິຊາມີດັ່ງລຸ່ມນີ້:

-     

+ ວິຊາ ພາສາລາວ

ປະ ປະເພດທີ I ນ້ອງນັກຮຽນ ນ. ພອນນາລີ        ມາຈາກໂຮງຮຽນ ບຸນໃຕ້.

-       ປະເພດທີ II ນ້ອງນັກຮຽນ ນ. ຄຳຟອງນະພາ   ມາຈາກໂຮງຮຽນ ເພຍສຸ.

-       ປະເພດທີ III ນ້ອງນັກຮຽນ ທ. ສັກ ຖະໜົມ   ມາຈາກໂຮງຮຽນ ໂນນບຸນກາງ.

+  ວິຊາ ຄະນິດສາດ

-       ປະເພດທີ I ນ້ອງນັກຮຽນ ທ. ບຸນມີ ກໍນະວົງ   ມາຈາກໂຮງຮຽນ ເພຍສຸ.

-       ປະເພດທີ II ນ້ອງນັກຮຽນ ທ. ນັດ              ມາຈາກໂຮງຮຽນ ລ້ອງນາຍເກົ່າ.

-       ປະເພດທີ III ນ້ອງນັກຮຽນ ທ. ສຸມາລີ          ມາຈາກໂຮງຮຽນ ໂພທອງ.

+ ວິຊາ ໂລກອ້ອມຕົວ

-       ປະເພດທີ I ນ້ອງນັກຮຽນ ນ. ພອນສະຫວັນ     ມາຈາກໂຮງຮຽນ ໂພທອງ.

-       ປະເພດທີ II ນ້ອງນັກຮຽນ ນ. ວັນຄຳ ສຸລິພອນ   ມາຈາກໂຮງຮຽນ ເພຍສຸ.

-       ປະເພດທີ III ນ້ອງນັກຮຽນ ນ. ແສງຍອດ         ມາຈາກໂຮງຮຽນ ບຸນໃຕ້.

        ໃນຕອນທ້າຍຂອງພິທີ​ທ່ານ ນ. ແກ້ວ ມະນີພັນ ຮອງຫົວໜ້າຫ້ອງການສຶກສາທິການ ແລະ ກິລາເມືອງບຸນ​ໃຕ້ໄດ້ມອບ​ໃບ​ຢັ້ງຍືນໃຫ້ແກ່ນ້ອງໆ ນັກຮຽນ ພ້ອມທັງມອບລາງວັນໃຫ້ຜູ້ທີໄດ້ປະເພດທີ I ​ໃນ​ພິທີ​ດັ່ງ​ກ່າວ​ທີ່ມີຄວາມໝາຍຄວາມສຳຄັນນັ້ນຍັງໄດ້ຮັບຟັງການໂອ້ລົມຂອງທ່ານ ນ. ແກ້ວ ມະນີພັນ ກ່ອນອື່ນເພີ່ນກໍ່ໄດ້ຍ້ອງຢໍຊົມເຊີຍຜົນສຳເລັດ ໂດຍສະເພາະແມ່ນຊົມເຊີຍຄະແນນ ວິຊາໂລກອ້ອມຕົວ ຈາກນັ້ນ ທ່ານຍັງໄດ້ເນັ້ນໃຫ້ຄູຜູ້ທີສອນຊັ້ນປໍ5ໃຫ້ເອົາໃຈໃສ່ເປັນພິເສດໃນການບຳລຸງສ້າງນັກຮຽນເກັ່ງ, ນັກຮຽນພອນສະຫວັນໃຫ້ຫຼາຍກວ່າເກົ່າ ແລະ ນຳເອົາແຜນສູ້ຊົນດັ່ງກ່າວນຳໄປຈັດຕັ້ງປະຕິບັດໃຫ້ໄດ້ຕາມລະດັບຄາດໝາຍທີວາງໄວ້ ເພື່ອໃຫ້ໄດ້ໄປສອບເສັງຂັ້ນແຂວງ ແລະ ຂັ້ນປະເທດຕໍ່ໄປ.

                                               ລາຍ​ງານ​ຂ່າວ​ຈາກ​ຫ້ອງ​ການ​ສຶກ​ສາ​ທິ​ການ ແລະ ກິ​ລາ ​ເມືອງ​ບຸນໃຕ້