ກິລາລະດັບສູງ
- ລາຍລະອຽດ
- ໝວດ: ຂະແໜງກິລາລະດັບສູງ
- ສ້າງຂື້ນເມື່ອ ວັນຈັນ, 28 ມີນາ 2016 01:10
- ຂຽນໂດຍ Super User
1. ໜ້າທີ່ຂອງຂະແໜງບໍລິຫານ
1. ສັງລວມ ແລະ ສະເໜີແຜນພັດທະນາທຸກວຽກງານຂອງພະແນກ;
2. ຮັບຜິດຊອບວຽກງານບໍລິຫານ ແລະ ບໍລິການຫ້ອງການຂອງພະແນກ;
3. ຄຸ້ມຄອງສາງ, ຍານພາຫະນະ, ວັດຖຸອຸປະກອນ, ອາຄານ, ທີ່ດິນ ແລະ ຊັບສົມບັດສຶກສາ ແລະ ກິລາ
4. ສັງລວມ ແລະ ວາງແຜນງົບປະມານ-ການເງິນ, ຄຸ້ມຄອງລາຍຮັບ ແລະລາຍຈ່າຍຂອງພະແນກ
5. ຮັບຜິດຊອບວຽກງານການກໍ່ສ້າງ ແລະ ສ້ອມແປງ ອາຄານສະຖານທີ່ການສຶກສາ;
6. ຄຸ້ມຄອງເອກະສານທາງລັດຖະການ,ແຈກຢາຍເອກະສານ, ວຽກງານປະຊາສຳພັນ ແລະໂຄສະນາເຜີຍແຜ່ຂໍ້ມູນ ຂ່າວສານການສຶກສາ ແລະ ກິລາ;
7. ຕິດຕາມ ແລະ ປະເມີນຜົນການປະຕິບັດວຽກງານຕ່າງໆພາຍໃນຂະແໜງ ແລະ ພະແນກ;
8. ສະຫຼຸບລາຍງານສະພາບການສຶກສາ, ການເມືອງ, ແນວຄິດ ແລະ ການຈັດຕັ້ງ ;
9. ປະຕິບັດວຽກງານອື່ນຕາມການມອບໝາຍຂອງຫົວໜ້າພະແນກສຶກສາທິການ ແລະກີລາແຂວງ, ນະຄອນຫຼວງ
2. ໜ້າທີ່ຂອງໝ່ວຍງານບໍລິຫານ
1. ສັງລວມ ແລະ ສະເໜີແຜນພັດທະນາທຸກວຽກງານຂອງພະແນກ;
2. ຮັບຜິດຊອບວຽກງານບໍລິຫານ ແລະ ບໍລິການຫ້ອງການຂອງພະແນກ;
3. ຄຸ້ມຄອງເອກະສານທາງລັດຖະການ, ວຽກງານປະຊາສຳພັນແລະ ໂຄສະນາເຜີຍແຜ່ຂໍ້ມູນຂ່າວສານ ການສຶກສາ ແລະ ກິລາ;
4. ຕິດຕາມ, ປະເມີນຜົນ ແລະ ສະຫຼຸບລາຍງານການປະຕິບັດວຽກງານຕ່າງໆພາຍໃນຂະແໜງ ແລະ ພະແນກ;
5. ປະຕິບັດວຽກງານອື່ນຕາມການມອບໝາຍຂອງຫົວໜ້າພະແນກ ;
- ກິດຈະກຳຂອງໝ່ວຍງານບໍລິຫານ
- ຈັດຕັ້ງກອງປະຊຸມເພື່ອຮັບລາຍງານສ່ອງແສງສະພາບການຕ່າງໆບັນທຶກກອງປະຊຸມ;
- ສັງລວມສະພາບການສຶກສາ ແລະ ກິລາທົ່ວແຂວງ ແລ້ວລາຍງານໃຫ້ຫົວໜ້າພະແນກສຶກສາທິການ ແລະ ກິລາແຂວງ, ນະຄອນ ແລະ ເຈົ້າແຂວງ, ເຈົ້າຄອງນະຄອນຫຼວງ;
- ສັງລວມ ແລະ ກວດກາບັນດາເອກະສານຕ່າງໆ ທີ່ຈະເຂົ້າຫາຫົວໜ້າ ແລະ ຮອງຫົວໜ້າພະແນກ;
- ແຈກຢາຍເອກະສານໃຫ້ຂະແໜງກ່ຽວຂ້ອງ, ພ້ອມທັງຕິດຕາມການຈັດຕັ້ງປະຕິບັດ;
- ກຳກັບວຽກງານພິທີການ, ວຽກງານສາລະບັນ, ປະຊາສຳພັນ ແລະ ຂາອອກ-ຂາເຂົ້າຂອງພະແນກ;
- ພິມ, ສຳເນົາ, ຮັບ-ສົ່ງ, ເກັບມ້ຽນ ແລະ ປົກປັກຮັກສາເອກະສານທາງລັດຖະການ;
- ຄຸ້ມຄອງການນຳໃຊ້ຍານພາຫະນະ, ນ້ຳມັນເຊື້ອໄຟ, ໄຟຟ້າ, ນ້ຳປະປາ ແລະ ໂທລະສັບ;
- ເຜີຍແຜ່ຜົນງານ ແລະ ກິດຈະກຳຕ່າງໆ ຂອງວຽກງານສຶກສາ ແລະ ກິລາທົ່ວແຂວງ/ນະຄອນຫຼວງ;
- ຈັດຕັ້ງການເວນຍາມ, ການຮັກສາຄວາມສະອາດ ແລະ ຄວາມເປັນລະບຽບຮຽບຮ້ອຍຂອງພະແນກ;
- ປະຕິບັດວຽກງານອຶ່ນໆ ຕາມການມອບໝາຍ ;
3. ໜ້າທີ່ຂອງໜ່ວຍງານການເງິນ.
1. ຮັບຜິດຊອບງົບປະມານ-ການເງິນ, ການບັນຊີ ແລະ ການຄັງຂອງພະແນກ;
2. ຮັບຜິດຊອບທຶນຊ່ວຍເຫຼືອ, ທຶນກູ້ຢືມ ແລະ ກອງທຶນສະຫວັດດີການຄູແຫ່ງຊາດຂອງແຂວງ,ນະຄອນຫຼວງ;
3. ຕິດຕາມ, ປະເມີນຜົນ ແລະ ສະຫຼຸບລາຍງານການປະຕິບັດວຽກງານ;
4. ປະຕິບັດວຽກງານອື່ນໆ ຕາມການມອບໝາຍ.
- ກິດຈະກຳຂອງໝ່ວຍງານຄຸ້ມຄອງການເງິນ.
- ສ້າງແຜນງົບປະມານປະຈຳປີ ແລະ ສະເໜີຕໍ່ພະແນກຕາມຂັ້ນຕອນ;
- ຄຸ້ມຄອງງົບປະມານຂອງລັດທຸກຮ່ວງເງິນ;
- ຄຸ້ມຄອງເງິນຂອງພະແນກທີ່ບໍ່ແມ່ນງົບປະມານຂອງລັດ;
- ຄຸ້ມຄອງຄັງເງິນ, ການເບີກຈ່າຍທຸກຮ່ວງເງິນ;
- ກວດກາກ່ອນການຈ່າຍ ແລະ ຫຼັງການຈ່າຍງົບປະມານຮ່ວງຕ່າງໆ;
- ສະຫຼຸບລາຍຮັບລາຍຈ່າຍເງິນຮ່ວງຕ່າງໆຂອງພະແນກ.
- ປະຕິບັດວຽກງານອື່ນໆ ຕາມການມອບໝາຍ.
4. ໜ້າທີ່ຂອງໜ່ວຍງານກໍ່ສ້າງພື້ນຖານ.
1. ຮັບຜິດຊອບການກໍ່ສ້າງ ແລະ ສ້ອມແປງ ອາຄານສະຖານທີ່ການສຶກສາ ແລະ ກິລາ;
2. ຄຸ້ມຄອງຊັບສິນ, ຍານພາຫະນະ, ວັດຖຸອຸປະກອນ, ອາຄານ, ທີ່ດິນ ແລະ ສາງ;
3. ຕິດຕາມ, ປະເມີນຜົນ ແລະ ສະຫຼຸບລາຍງານການປະຕິບັດວຽກງານ;
4. ປະຕິບັດວຽກງານອື່ນຕາມການມອບໝາຍ.
- ກິດຈະກຳຂອງໜ່ວຍງານກໍ່ສ້າງພື້ນຖານ.
- ຂຶ້ນແຜນ ແລະ ຈັດຕັ້ງປະມູນການກໍ່ສ້າງ, ສ້ອມແປງອາຄານຮຽນ, ຫ້ອງການ ແລະ ສະຖານທີ່ການສຶກສາ ແລະ ກິລາຕ່າງໆ;
- ຄຸ້ມຄອງການກໍ່ສ້າງ, ສ້ອມແປງຕາມແຜນຜັງ, ມາດຕະຖານ ແລະ ຕາມສັນຍາການກໍ່ສ້າງ;
- ຕິດຕາມ, ຊຸກຍູ້, ກວດກາ ແລະ ລາຍງານ ການກໍ່ສ້າງ ແລະ ສ້ອມແປງ;
- ຈັດຊື້, ປະມູນການຈັດຊື້ ແລະ ຊຳລະສະສາງການຈັດຊື້ ຕາມລະບຽບຫຼັກການ;
- ກວດກາ ແລະ ຂຶ້ນບັນຊີວັດຖຸ ແລະອຸປະກອນຕ່າງໆ ລວມທັງສັງຫາລິມະຊັບ ແລະ ອະສັງຫາລິມະຊັບຂອງພະແນກ ແລະ ຄຸ້ມຄອງບັນຊີຊັບສົມບັດສຶກສາ ແລະ ກິລາທົ່ວແຂວງ, ນະຄອນຫຼວງ;
- ຄຸ້ມຄອງສາງ ແລະ ແຈກຢາຍວັດຖຸອຸປະກອນການສຶກສາໃຫ້ແກ່ຫ້ອງການສຶກສາທິການ ແລະ ກິລາ ເມືອງ, ເທດສະບານ, ໂຮງຮຽນ ແລະ ສູນການສຶກສາ ແລະ ກິລາແຫ່ງຕ່າງໆ;