ກິລາມວນຊົນ
- ລາຍລະອຽດ
- ໝວດ: ຂະແໜງກິລາມວນຊົນ
- ສ້າງຂື້ນເມື່ອ ວັນຈັນ, 28 ມີນາ 2016 01:09
- ຂຽນໂດຍ Super User
1. ໜ້າທີ່ຮັບຜິດຊອບ.
1. ຊຸກຍູ້, ປຸກລະດົມ ແລະ ສົ່ງເສີມກິດຈະກຳ ການອອກກຳລັງກາຍ, ການຫຼີ້ນກິລາ, ການຝຶກແອບ, ການສະແດງ ແລະ ການແຂ່ງຂັນກິລາປະເພດຕ່າງໆ ຂອງມວນຊົນທົ່ວໄປ ເພື່ອແນໃສ່ສົ່ງເສີມສຸຂະພາບ, ພະລະນາໄມ, ຄວາມມ່ວນຊື່ນເປັນຕົ້ນຕໍ ແຕ່ບົນພື້ນຖານລະບຽບ ແລະ ກະຕິກາທີ່ໄດ້ກຳນົດໄວ້ ;
2. ເຜີຍແຜ່ແນະນຳ ທາງດ້ານທິດສະດີ ກ່ຽວກັບເຕັກນິກ, ກະຕິກາ, ແບບຫຼີ້ນກິລາປະເພດຕ່າງໆຢູ່ຕາມສຳນັກງານ, ອົງການ ສະຖານການສຶກສາຕ່າງໆຂອງລັດ, ເອກະຊົນ ແລະ ມວນຊົນທົ່ວໄປ ;
3. ຄຸ້ມຄອງ, ພັດທະນາ ແລະ ສົ່ງເສີມກິລາພື້ນເມືອງປະເພດຕ່າງໆ.
4. ຄົ້ນຄວ້າ ແລະ ອອກລະບຽບການໃນການອະນຸມັດ ແລະ ຄຸ້ມຄອງການດຳເນີນທຸລະກິດທີ່ກ່ຽວກັບການໃຫ້ບໍລິການດ້ານການກິລາໂດຍບໍ່ຂັດກັບລະບຽບກົດໝາຍທີ່ກ່ຽວຂ້ອງ ;
5. ອະນຸມັດ ແລະ ຄຸ້ມຄອງການດຳເນີນທຸລະກິດການກິລາຕາມຂອບເຂດທີ່ຕົ້ນຮັບຜິດຊອບ ;
6. ຊຸກຍູ້, ປຸກລະດົມ, ສ້າງເງື່ອນໄຂ ແລະ ອຳນວຍຄວາມສະດວກໃຫ້ພາກສ່ວນຕ່າງໆເຂົ້າຮ່ວມ ແລະ ລົງທຶນເຂົ້າໃສ່ການດຳເນີນທຸລະກິດ ແລະ ໃຫ້ການບໍລິການດ້ານການກິລາກາຍະກຳ.
7. ຕິດຕາມ, ກວດກາ, ປະເມີນຜົນ ແລະ ລາຍງານວຽກຕ່າງໆພາຍໃນຂະແໜງເປັນປົກກະຕິ.
8. ປະຕິບັດໜ້າທີ່ອື່ນໆຕາມການມອບໝາຍຂອງຂັ້ນເທິງ.
2. ກິດຈະກຳ.
1. ປຸກລະດົມ ຊຸກຍູ້ຂະບວນການອອກກຳລັງກາຍະບໍລິຫານ, ການຫຼີ້ນກິລາ, ການຝຶກແອບ, ການສະແດງ ແລະ ແຂ່ງຂັນກິລາປະເພດຕ່າງໆ ຂອງມວນຊົນເພື່ອສົ່ງເສີມສຸຂະພາບ, ພະລະນາໄມ ແລະ ຄວາມມ່ວນຊື່ນ.
2. ຄົ້ນຄ້ວາ ແລະ ສ້າງລະບຽບການ ໃນການອະນຸມັດ , ຄຸ້ມຄອງດຳເນີນທຸລະກິດ ພ້ອມທັງເຜີຍແຜ່ແນະນຳທາງດ້ານ ທິດສະດີກ່ຽວກັບການໃຫ້ບໍລິການດ້ານການກິລາ;
3. ຊຸກຍູ້, ສົ່ງເສີມຈັດຕັ້ງສະໂມສອນກິລາກາຍະກຳ, ທີມກິລາປະເພດຕ່າງໆ.
4. ຄຸ້ມຄອງນັກກິລາ, ພັດທະນາ ແລະ ສົ່ງເສີມກິລາພື້ນເມືອງປະເພດຕ່າງໆ.
5. ສ້າງຕາຕະລາງແຜນການເຄື່ອນໄຫວແບບຫລີ້ນປະເພດຕ່າງໆ ແລະ ແຂ່ງຂັນ ສ້າງຂະບວນການຟົດຟື້ນພາຍໃນແຂວງ.